السلام عليكم ورحمة الله وبركاتة
الربع شحالكم
ربكم بخير
طولي بعماركم بغيت اتخبركم عن النجدي
بالنسبة للانتاج شو افضلهن او السلالات المعروفة
في الفحول
وفي اليعد
اتريا اجاباتكم
والسموحه على القصور
اخوي يعتمد عليك وعلى النوعيه اذا ذبايح او نوعيه فاخرة
وين موقعك اخوي
ولك منى اجمل تحياتى
مرحبا الشيخ
بغيت اسئلك شو الفرق بين الذبايح والنوعية الفاخرة
السلام عليكم ورحمة الله وبركاته
فالبدايه احب ان ارحبك عضو بين اخوانك واهلك
اما بخصوص النجد فيه انواع عاديه يعني ماتنتج شي قوي وفيه اشياء نادره ويكون سعرها شوي اغلى عن العاديات ولاكن فيهن مواصفات اطيب عن العاديات تنتجلك بأذن الله اشياء قويه واذا انك من اهل العين مرحبابك عند اي واحد من مربين النجد وبيراويك الاشياء العاديه والاشياء القويه
اتمنى اني افدتك اخويه
تحياتي لك
عليكم السلام ورحمة الله وبركاته
والله يرحبك على فضله يا الشيخ
مشكور على ردك وما قصرت
وبيض الله ويهك
بس الحين بتخبرك بخصوص النجدي المخصص للاكل شو افضل سلالاته وكم يوصل الراس
اقتباس:
|
المشاركة الأصلية كتبت بواسطة هاوي الظبي
 عليكم السلام ورحمة الله وبركاته
والله يرحبك على فضله يا الشيخ مشكور على ردك وما قصرت وبيض الله ويهك بس الحين بتخبرك بخصوص النجدي المخصص للاكل شو افضل سلالاته وكم يوصل الراس |
لايوجد سلاله معينه للذبايح فالنجد الشي العادي اللي شكله ماينتج شي طيب يبتاع حق انتاج ذبايح وسعرهن من 1500 حتى 2500 درهم
اخوي راعي الظبي
خبرك المدير عن الفرق مبينهم جزاك الله بو حمدان على التوضيح
بس انت حدد مكانك وفالك طيب