اخواي بغيت اتخبركم عن سلاله
مقشر
وان شاء الله ما بتقصرون
|
المشاركة الأصلية كتبت بواسطة راعي حشيم
 اول مره اسمع بهذي السلاله يمكن حلم اخوي
|
راعي الحشيم يمكن يا خوي ما عندك اي خلفيه عن البوش
فرجاء منك دور على السلالات الطيبه
وفيد نفسك شوي
لان هذا يعتبر انك جاهل فى امور انته ما تعرفها
ومرورك ……………..
دور فى قاموسك يمكن ما بتحصل
بس انا بعطيك الطريقه اللى يدورون فيها
اول شى افتح على قوقل واكتب سلاله مقشر
وشوف بعينك النتائج عن السلاله
بس يوم طلبت المساعده طلعت انت اللى مش فاهم وشو السالفه ولا تعرف شى فى الحلال
انا طلبت المساعده من ناس عندهم من سلاله مقشر
والشو النتايج المراكز اللى لقحت مقشر وعياله
|
المشاركة الأصلية كتبت بواسطة على المطلوب
مقشر هذا طال عمرك اصوله من عمان ويعلم الله انه باطني وشي وحده من بذره لكن هي الحين قدها حايل لكنها مزيونه تزين التراب
|
تسلم اخوي على المطلوب وللتوضيح
والمرور الطيب
وبس لا عيك امر
ممكن نتواصل هذا البيين 2325d391
واخونا راعي حشيم يسده ردك واللا
وبارك الله فى حلال الجميع والتوفيق من الله
هذا الموضوع كاتبنه واحد من الاخوان فى احد المنتديات
راعي القحيدي
وما قصرت يا خوي على التوضيح
الهجن في عمان انواها كثيره وكلها اصايل ماشالله وكل سلاله تتميز بصفه عن السلالات الاخرى وانا انشالله بشرح لك بالتفصيل :
في الاساس اسماء السلالات كلها اللي تسمعا منسوبه الى القبايل او المناطق
مثلا : الدرعيات منسوبه الى قبيله الدروع
الوهيبيه منسوبه الى قبائل الوهيبه
البواطن منسوبه الى منطقه الباطنه
السمحات منسوبه الى منطقه السمحه ومن السلالت اللي في السمحه
او المناطق القريبه منها البويضات والفرحات
الظفاريات وهي منسوبه الى ظفار وصلاله كما تسمى ايضا بهجن السلطنه ونوعها
مختلف عن الانواع السابقه ولا تصلح في السباقات وانما لانتاج الحليب واللحم
ثانيا : كل سلاله لها ميزه كما ان هناك تفرعات من السلالات
الدرعيات مشهوره بالسرعه والسبق .
البواطن واشهر سلالتها سلاله ( مقشر ، شهبار ، الشبيبي ) وهي مشهوره
بالجمال والمزاين .
السمحات واشهرها سلاله ( مصفاي ) وتشتهر هذه السلاله بالجمال والسبق معا .
* هذا عن انواع الهجن العمانيه اللي مسيطره على الساحه كما ان هناك انواع اخرى وهذا الله قدرني عليه وانشالله الاخوان اهل عمان بفيدونك اكثر وبصححون اي خطاء في اللي انا ذكرته
وفي الاخير تقبلوا تحياتي واسمحولي على القصور
وغير منتشره الا في الباطنه ويوم انعرف اصل مقشر في عندنا
اخذو اخوانا البواطن هذي السلاله الى السعوديه وقطر
فلهذا السبب الفحل غير معروف في الدوله
|
المشاركة الأصلية كتبت بواسطة راعي حشيم
حياك الله يالهلاك خذت معلومات عن مقشر هذا ياخوي سلالته باكستانيه
وغير منتشره الا في الباطنه ويوم انعرف اصل مقشر في عندنا اخذو اخوانا البواطن هذي السلاله الى السعوديه وقطر فلهذا السبب الفحل غير معروف في الدوله |
اخوي راعي الحشيم
بخصوص ردك اللي ما اعرف من وين وصلت له
حبيت اخبرك عن السلاله واوضح لك
بنات مقشر كلهن مشرايات وداخلات فى المزاين
وفى الركض
وعلى علمك الشيخ زايد ( الله يرحمه ) كان عنده من سلاله مقشر
والله يعفر له كان مولع فى الركض والبوش البواطن بذات
وعندي ريال باع على الشيخ زايد ( الله يرحمه ) ناقه
وردت الناقه عنده بعد ما توفى واستوا التوزيع فى العين
واشتراها من الشبك والحين الناقه يعطونه فيها 400,000 ومش طايع يبيعها