ما ادري ليش حطيت موضوعي في هذ المكان او في قسم الابتكارات
بس حسيت انه يمكن ينفع احد
لكن اذا في مكان احسن يكون فيه موضوعي ما عندي اي مانع انه اخواني المشرفين ينقلون الموضوع للمكان اللي هم يشوفونه مناسب
المهم ندخل في الموضوع
بسبب حبي وتعلقي بمنتدى اغنام الامارات وحكم تواجدي في سويسرا قمة بزيارات بعض مزارع الحلال الموجودة في هي الدوله الغريبه بحبهم وتعلقهم بالحلال
قمت بزيارة منطقه ما بين lotn و منطقة basel على الحدود الفرنسيه السويسريه مزرعة دواجن لكن للاسف كان يوم الاحد والمزرعه ما فيها احد
ولكن الله عوضني بالمزرعة الثانيه مزرعة ابقار لكن والله شغلهم مرتب
المزرعه في منطقن luzern جنب انترلاكن
وهي الصور اللي قدرت اخذها
اتمنى الصور تعجبكم
[/url]
وولكم باك
ويسلموو على هالتقرير الحلوه , وبصراحة بلادهم حلوه
وماشاءالله صور الحلال ( البقر والدجاج ) وسط العشب ماعليه كلام
وماشاءالله على العجوله سمينه من الخاطر وأكيد لحمها أبيض
الله يخلف على حلالنا ):
يسلمو bro على هالموضوع الحلو
تقبل مروري م.هاوي
هذ ابسط شي اقدر اقدمه لهذا المنتدى اللي بصراحه ستفد منه وايد من معلومات ثريه اللي تشجع الشخص انه يدخل هذا المجال وهو متطمن على مقدرته في تربية الحلال من نصايح وارشادة يقومون فيها اخوانا الاعضاء
وثاني شي اشكرك على الترحيب بعودتي بس الله يسمع منك انشالله وارد
لاني بعدني شهر في هذي لبلاد
بش الصدق ينقال انا الحين من بديت في مجال تربية الحلال وانا ما اصبر عن لبلاد مع العلم اني ما كنت كذا قبل ما اسس العزبه كان عادي اغيب بالشهور ما عندي اي مشكله بس الحين قلبي متعلق كل يوم اتصالي بعامل العزبه اتخبره عن لعلوم
الله المستعان
اكرر شكري لك وتشريفك للموضوع
والله يرزقنا خضره وامطار واجواء مثلهم
تسلم
ما قصرت أخوي الشامسي على هالمجهود الطيب
الله يعطيك الصحه والعافيه .. هذا وإن دل فيدل على حبك الحقيقي للمنتدى ..
ويكفي بإنك سرت عالحدود ودورت إلين ييتنا بهالصـور الحلوه ..
صراحه جوهم رائع وشي أكيد الحلال ما راح يكون مجهد او هزيل شرت حلالنا من العشب والظل والبروده ..
كل الشكر أخوي
الله يحفضك في دار الغربه ويردك بسلامة وتشوف حلالك وتطمن علية وتلقاة زايد ومتبارك وصحتهن١٠٠٪*
الله يحفضك في دار الغربه ويردك بسلامة وتشوف حلالك وتطمن علية وتلقاة زايد ومتبارك وصحتهن100٪*
اشكر تشريفج الموضوع
وانشالله انشوف بلادنا عشبية وأمطارها خير ورحمة علينا
وهذا الشي يشهد فيه كل اعضاء المنتدا
اشكر لج مرورك الكريم للموضوع
بس عندهم طبيعه غير شكل وما اظني يتعبون وايد في طعامهن
الله يباركلهم في حلالهم
ويزاك الله الف خير ع الكلام الطيب ما قصرت
هانت يا اخويه ما بقاا شي راح الكثير وما بقاا الا القليل
بس اظني برد لبلاد بلقاها وايد وايد باردة
لكن بلادي راضي فيها بصيفها وشتاها
اشكر مرورك للموضوع