السلام عليكم ورحمة الله وبركاته
نلتقي وإياكم في هذا اليوم البارد وفي طبق يولد الدفء والحرارة في أجسامنا 
فقد كنت في العزبة والجو شديد البرودة والشمال ظاربة اتدشش البرد في العظام 
قلت في نفسي أبا أسوي شي حلو وحار نفس الوقت لحزة العصر نبشت في 
السدات ماشي ساقو ولا فرني شي طحين ومن يومين مسوية خبيص هييييييي 
أتذكرت منال العالم أمس مسوية رانجينا وهو طبق حلو ايراني سهل قلت عيل بسويه 
خليني أشوف مقاديره
تمر اخلاص
مكسرات
زبدة
سمن عربي
جرفة
هال
طحين
الطريقة :
ناخذ التمر ونظهر البذرة وانحط بدالها يوز أو بيذام أو فستق اللي تحبونه
انزهب المقلاة انحط الزبدة ربع الباكيت ونص كوب سمن وكوبين طحين وشوية سكر والجرفة والهال المطحونين
انتم نقلاهن والسمنه اتفور مدة عشر دقايق لين ينضا الطحين وتروحون ريحته مثل الخبيص
خلاف انصبه في لقن التمر بالمكسرات
وانهوس عليه
وهني زيناه بالمكسرات وخليناه يبرد طشونه
هااا شو رايكم أعتقد ما شي اسهل منه التمر الحمدلله مكود والمكسرات عندنا بليا قياس والطبق ما يبا
شباب والا بنات الكل يروم يسوييه شدوا حيلكم واغلبوا هالبرد القارص بالرانجينا
عملته لكم أختكم غبيشة
عليج وعلى الطبخ الممتاز والوصفات الواضحة
وما قصرتي في شرح الطريقة والصور
تسلم ايدج ياختنا غبيشه
والله يطول عمرج
والله يعطيج الصحه والعافييييه
بصراحه ما قصرتي
|
المشاركة الأصلية كتبت بواسطة ملك الأبيض
 |
|
المشاركة الأصلية كتبت بواسطة net3040
الله ، الله ، الله
عليج وعلى الطبخ الممتاز والوصفات الواضحة وما قصرتي في شرح الطريقة والصور |
|
المشاركة الأصلية كتبت بواسطة المزيون
صدق انج يوعتينا
تسلم ايدج ياختنا غبيشه والله يطول عمرج والله يعطيج الصحه والعافييييه بصراحه ما قصرتي |
|
المشاركة الأصلية كتبت بواسطة ولد مخشب
|
|
المشاركة الأصلية كتبت بواسطة ارق النوم
|
|
المشاركة الأصلية كتبت بواسطة الماسة
تسلم ايدج ويطول بعمرج
|