أخواني في هذا المنتدى اريد ان اطرح موضوع للنقاش وليستفيد منه الجميع بحكم خبراتكم وتجاربكم
موضوعنا عن الفحول وخصوصا الفحل اللي ما ينسف 
الكثير من المبتدئين ينغشون في موضوع الفحل اللي ما ينسف ويشترونه بالمبلغ الفلاني
يعني أذا تبغي الفحل يقرع الغنم تعال وامسك وارفع وشغله مالها اول ولا تالي تلقح هالمره ولا تعيد الكره 
طبعا من باب التعليم لي ولا اخواني المبتدئين احب اسمع ارائكم ونقاشاتكم بكل شفافيه
واتمنى من كل عضو الاجابه على هذي الأسئله :
2) هل يسمى فحل ؟
3) هل تشتري فحل لحلالك ما ينسف ؟ وأذا كان الجواب بنعم كم ستدفع فيه تقريبا
4) بما تنصح أخوانك المبتدئين بالفحل اللي ما ينسف ؟
5) ماذا تقول لمن يعرض طلي على اساس انه فحل وهو بعمر 6 أو 7 شهور ؟!!!
وفي النهايه يا اخوان اعلموا ان القصد هو تبيين الصح من الخطاء لي ولاخواني مربيين الحلال
وتقبلوا تحياتي وتقديري
|
المشاركة الأصلية كتبت بواسطة مفارق ولايف
 السلام عليكم و رحمة الله وبركاته
1) ماهو تقييمك للفحل اللي ما ينسف ؟
2) هل يسمى فحل ؟
3) هل تشتري فحل لحلالك ما ينسف ؟ وأذا كان الجواب بنعم كم ستدفع فيه تقريبا
4) بما تنصح أخوانك المبتدئين بالفحل اللي ما ينسف ؟
5) ماذا تقول لمن يعرض طلي على اساس انه فحل وهو بعمر 6 أو 7 شهور ؟!!! |
|
المشاركة الأصلية كتبت بواسطة بو سلطان
1 ) تقييم الفحل ليس بالنسف أو عدمه و إنما بالمواصفات و الجماليات التي يراها الشخص في الفحل .
2 ) نعم يسمى فحل .
3 ) نعم ,, أدفع المبلغ الي أشوفه يستحقه حتى و لو 10000 .
4 ) العامل أول ما يشوف الياعدة تطلب الكبش يمسكها له .
5 ) ما فيها شي ( على أساس أنه مشروع فحل ) .
تحياتي لك ,,
|
أخوي بوسلطان
فالبدايه اشكرك على تفاعلك وعلى ابداء رايك ووجهه نظرك فانت من ذو خبره لا يستاهن بها
اخي العزيز تتكلم عن فحل ذو مواصفات لا يقل ابناءه عن 5 الاف درهم كحد ادنى
وهذا حتى لو استاجرت له عامل يمسك ويرفع فالعوض بالانتاج
ولكن اتكلم عن الفحول العاديه اللي بدون تعريف اللهم انتاج لحم
ويكون عدد القطيع فوق الميه راس من الغنم
اتمنى الاجابه على الاسأله على اساس ان الفحول عادية وليست فحول المزاين
وتقبل شكري وتقديري لشخصك الكريم
اهلا وسهلا بوجودك اخي العزيز
وكما بينت فانا اتكلم عن الفحول العادية وليست فحول المزاين
اتمنى ان تجيب على التسائلات ورايك يهمنا
تقبل شكري وتقديري اخي العزيز
كان عندي فحل رملي حار جدا وانتاجه ممتاز
مأدري شو إلي خلاني أبيعه
إلى الآن لم أجد مثله
إسأل الله أن يعوضني من إنتاجه
إنصح الأخوه بالحصول على الفحل إلي ينسف ولو بأغلى ثمن لأنه بيعوضه بالإنتاج
الفحل إلي ماينسف مايعتبر فحل ممتاز
وإلي ينسف بالقبض يعتبر فحل متوسط
وإلي مش معروف إنه ينسف الأفضل أن تبتعد عنه
ولاتغتر بكلمة بعده مافاجينه في الحلال
هذا راي ولكلن رايه
مرحبا أخوي ,,
إذا حق انتاج ذباح ، هات أي فحل ,,
المهم ينسف خاصة إذا كان العدد كبير ,,
لأن أنت ما بتم كل حين تزخ ياعدة عشان يروغها الكبش عشان تسوي لك ذبيحة !!,,
و الفحل العادي سعره بسيط و في متناول الجميع ,,
تحياتي لك ,,
|
المشاركة الأصلية كتبت بواسطة محب الحلال
في الحقيقه إلي عنده فحل ينسف لايفرط فيه
كان عندي فحل رملي حار جدا وانتاجه ممتاز مأدري شو إلي خلاني أبيعه إلى الآن لم أجد مثله إسأل الله أن يعوضني من إنتاجه إنصح الأخوه بالحصول على الفحل إلي ينسف ولو بأغلى ثمن لأنه بيعوضه بالإنتاج الفحل إلي ماينسف مايعتبر فحل ممتاز وإلي ينسف بالقبض يعتبر فحل متوسط وإلي مش معروف إنه ينسف الأفضل أن تبتعد عنه ولاتغتر بكلمة بعده مافاجينه في الحلال هذا راي ولكلن رايه |
الاخ محب الحلال
أتفق معك في ما قلت والقصد هو ان نبين للمبتدئين مثلي اهميه الفحل اللي ينسف
وان لا يغترون بكلمه توه فاكينه بالحلال ومحاولته قويه ومن هالكلام
فالمبتدي بحاجه للعون والنصح والحمدلله في هذا المنتدى من هم يعينون ويعاونون كل مبتدي
وبالنسبه للفحل الرملي ابشر بالعوض الغنم بتولد إذا اراد الله في شهر 9 و 10 وكلها من فحل رملي
تعال وفالك طيب مالك إلا اللي يرضيك
ولا تجيني الحين تعال شهر 10 هههههههه
تحياتي وتقديري لك اخي العزيز
|
المشاركة الأصلية كتبت بواسطة بو سلطان
مرحبا أخوي ,, إذا حق انتاج ذباح ، هات أي فحل ,, المهم ينسف خاصة إذا كان العدد كبير ,, لأن أنت ما بتم كل حين تزخ ياعدة عشان يروغها الكبش عشان تسوي لك ذبيحة !!,, و الفحل العادي سعره بسيط و في متناول الجميع ,, تحياتي لك ,, |
أخوي بوسلطان
نعم طال عمرك القصد انتاج الذبايح ومثلك يعرف
الفحل الصغير اعياله يبطون ما يكبرون واذا كان مافيه تناسق باللون يعني يكون نعيمي ومصبغ ولا نجدي ومشكل
ولا رملي وفيه سواد هذي كلها تضعف سعر الفحل
صحيح القصد انتاج لحم ولكن لا يهم التعريف اذا كان ينسف ولونه متناسق وجرمه كبير فهو ليس اي فحل
اشكرك اخي العزيز على مداخلاتك
وتحياتي لشخصك الكريم
يعني لازم تضربه هندل .. وهذي شغله مايشتغلها ريال قبيلي 
.. لازم اتحط شرط عند شراء فحل انه ينسف وبدون مساعده .. لان البعض يلعب بالكلمات عند البيع ويقول ينسف يوم تشتريه تكتشف انه ماينسف .. تتصل في البايع وتقوله يافلان الفحل طلع ماينسف وانته قلت ينسف 
.. ايقول وبكل برود اعصاب ساعده بينسف .. هذا الغش .. لان الي يعرف عيب في حلاله لازم يظهره للشاري . . عشان يكون رزقه حلال
واشكرك ياخوي مفارق ولايف على طرح الموضوع .. والله لايجعلك اتساعد فحلل للنساف .. والله يجعل حلالك ينسفن بدون مساعده
تحياتي،،