واليوم فكرت أني أقدم لكم طبق إماراتي مشهور يسمى البرنيوش أو المحمر وأنا بصراحة وايد أحبه لكن في ناس
مايقبلون عليه كونه العيش مسواي بالسكر المقلي أو الدبس 
المهم المقادير عيش مغسول – وسمج جنعد مقطع ومنظف – دبس من الزين – وإذا ماشي دبس نقدر نستخدم
فنجانين سكر مقلي حتى يحمر
مقادير الصالونة العادية بصل مقلي وفلفل بارد وبهارات وطماطم وحد يحب بطاطس مكعبات حسب الرغبة
نبهر السمج بالبزار العربي
بعدين نقلى السمج في زيت غزير
بعدين احطه على الصالونة لي تغلي
ونيب الماء ونحط فيه فنجانين دبس
لما يبدا يغلي يسوي طبقة ذهبية ممكن انكم اتشيلونها
وانحط العيش عليه وننتظره لينما يستوي
يقدم الارز مع السمك ويصب فوقة الصالونة وبالهنى يارب
وكالعادة الصورة الاخيرة مصروقة 
والله أنسى إني أصور وقت التقديم 
فسامحوني
صنعته لكم أختكم غبيشة
المحمر اكله يعشقها الكثير وطرحك لطريقتها افدتي الكثير
بالعافيه
يوقف الكلام عنها ذكرتينا بيام اول الله يذكرج بى الشهاده ان شاء الله
هذى اكله قديمه والاقبل مايعرف طعمها عن جد شهيتينا
|
المشاركة الأصلية كتبت بواسطة محمد العلى
 ما شاء الله عليج يااختى عاد هذى الاكله
يوقف الكلام عنها ذكرتينا بيام اول الله يذكرج بى الشهاده ان شاء الله هذى اكله قديمه والاقبل مايعرف طعمها عن جد شهيتينا |
مع أني كم مرة أكلته سويت آند سور في المطاعم الاسيوية لكن المحمر مب راضي ياكله بس الولد يقبل عليها وياكلها تبارك الله شكرا أخوي على هالتعقيب الطيب المحمر اكله يعشقها الكثير وطرحك لطريقتها افدتي الكثير
بالعافيه
الله يعطيج العافية
عرض لذيذ