الصيف والحر يتعب الحلال ولتخفيف الحراره عنهم وابعاد الامراض الفطريه والجلديه عملت حوض سباحه وبطريقه اتسهل على الرعيان غسل عدد كبير في فتره قصيره ……
في البدايه هذا رسم بياني يوضح الحوض بالمقاسات لخدمة الاعضاء في هذا المنتدى الطيب باهله
هذا الرسم يوضح دخول وخروج الحلال بعد الاستحمام …….
وهذا الرسم يوضح المقاسات …..
وهذه صور تنفيذ المشروع للتوضيح ….
المشروع كامل …..
صوره للوسط توضح الحوض وتقسيم الشبك…….
من الداخل ….
صوره للحوض بشكل اوضح وبتلاحظون بأن المنحدر عملنا خشن لمنع انزلاق الحلال …
وبعد تنفيذ هذا المشروع اصبحنا نغسل الحلال كل ٣ ايام ولعدد ٧٠ راس نحتاج ساعه واحده فقط ..تم بحمد الله
باحاول اصور لكم عملية غسل الحلال لاحقا باذن الله
اتمنى ان اكون قد افدت
اخت المنتدى
اصيله
أنتي من الأعضاء اللي أستانس بمتابعة مواضيعهن
وماشاءالله عليج دائما مبدعه بأفكارج للحلال
تقبلي إعجابي م.هاوي
الصراحه انتي مدلعه الحلال اخر دلع
بخصوص تبديل الماي ,, كيف يتم تصريف الماي القديم؟
|
المشاركة الأصلية كتبت بواسطة م.هاوي
 ماشاءالله يا أصيلة
أنتي من الأعضاء اللي أستانس بمتابعة مواضيعهن وماشاءالله عليج دائما مبدعه بأفكارج للحلال تقبلي إعجابي م.هاوي |
الله يسلمك وانت من المتميزين في المنتدى
نجتهد في تنفيذ الافكار الي تريح الحلال وتريحنا
وانلاقي اخطاء طبعا وانرد انصلح
|
المشاركة الأصلية كتبت بواسطة ملك الأبيض
|
العفو ……..تسلم
|
المشاركة الأصلية كتبت بواسطة صلبوخ
يعطيج العافيه على المشروع اخت اصيله
الصراحه انتي مدلعه الحلال اخر دلع |
الله يسلمك
ادلعهم بس ما يدلعوني بالانتاج 
|
المشاركة الأصلية كتبت بواسطة راعى وضحى
ما شاء الله شي طيب,,
بخصوص تبديل الماي ,, كيف يتم تصريف الماي القديم؟ |
طابت امورك يا رب
الله يكرمك عملنا بالوعه خاصه للحوض
فنقدر انصرف الماي بسهوله