بغيت رايكم يا اهل الخبرة ف تربيه الحلال والعزب
ابا اخذ لي سيارة حق العزبة
بعض الشباب قالو لي اخذ لي بو شنب ولما بديت ادور السيارة البعض الثاني قال خذ لك هايلوكس احسن لك من البوشنب
ف أنا الحين محتار بين السيارتين وما اعرف شو اخذ
بما انه الكثير من الربع ف المنتدى عندهم خبرة ف هالمجال ف قلت اخذ رايكم ونصيحتكم
شو الاحسن اذا البوشنب ممكن الاسباب
واذا الهايلوكس ف ليش احسن من البوشنب
ملاحظة: انا عزبتي لازم اوصل لها ب فوروييل
وشكري مقدما لكل من يساهم بالمساعده
اذا انت راعي خطوط ومشاوير انصحك بالهايلكس مصروفها خفيف لانها 4 سلندر
وابوشنب ما عليه كلام
بس خشن شوي و 6سلندر
انا عن نفسي ما استغني عن ابو شنب لكن مثل ما قلت لك مصروفه شوي زايد
وفي الاول والاخير لازم تتحكم في ضغط هواء التواير اذا طريق عزبتك رمل لا تزيد الهواء اكثر من 30
وان شاء الله اهل الهايلكس بيفيدونك اكثر
والله الموفق
اخي الفاضل مادام عزبتك في مكان غرز خذلك كروزر لان الهايلكس اذا سنقل بتعاف عمرك واذا فور ويل الهايلكس دبلها ضعيف وبخصوص التحميل الكل تقريباا نفس الحمولة لكن الهايلوكس الفورويل من وجهة نظري تتحمل الوزن احسن عن الكروزر واذا تبغي العزم والقوة عليك بالكروزر ومن ناحية صرفية البترول الهايلكس اخف عن الكروزر لنه شي طبيعي الفرق بين 4 سلند وستة اسلندر وفي النهاية الخيارلك
واتمنى اني فدك بمعلومة الطيبة
الله يوفقك بالشرية الزينة
(( اربط راسك و كلن بينعتلك دوا ))
الجمس او التاندرى اريح بس مدري عن التحميل
الصراحة حيرتوني اكثر عن قبل
لكن من ردودكم تحليلي يقول انه الهايلكس افضل من ناحيه الصرفيه والحموله وانها غمارتين
وان شا الله بستخير وبتوكل عالله
شكرا لكم اخواني على مشاركتكم الي تفرح القلب
لكن اقولك نفس الكلام تقريبا الهايلكس عملية 100%
وحتى لو كانت فورويل بعد ماشاء الله تمشي بالرمله
واذا كنت من النوع اللي يحمل واايد خذ لك هايلكس كبينه وحده
حوضها اكبر واما البوشنب سيارة قوية فعلا لكن بترولها ما يساعد ابد
تفول الهايلكس ب 85 الى 90 وماشاء تمشي واايد والبوشنب اذا ما خاب ضني مثل الكروزر تفولها 210 تقريبا 500 كيلو
يعني رأيي الهايلكس عملية اكثر
والسموحه