بصراحه يالربع رحت المزرعه اليوم واجذبتني هاذي الثنيه في العمر لكن للحين ما شلعت اضروسها من انتاجي ثنيه بنت ظبيان ولد ابوراس وامها بنت ميزان اخت الجفره المسيومه بعشرين الف بنت الورد ولد ظبيان وتصير اختها من الام و عمتها من صوب سلالة الاب امل ان تنال الاعجاب وللعلم سامها الاخ براك العجاجي طراح عمر يوم بخمسه العام الماضي ولم يتم البيع وسيمة في مزاد الامارات الاول للعوارض بسبعة ولم يتم البيع والحين دافع على جساس ولد ابورقبه عسى ان تنل الاعجاب والسموحه على التعريف الطويل
جدها من صوب الام الفحل ميزان ولد الكايد ولد العود مشراي بمية وخمسين الف من قبل جاسم الخاطر من مزارع مسره ورده قطر بعد ما شرته مسره من قطر بمية الف
جدها من صوب الاب ابوراس ولد سهيل ولد العود مبيوع بمية وخمسين الف على احمد البصمان وراح للكويت
بس اخوي محمد التكحيلة أظني ما كان فيها ولا أنا غلطان ..
وودنا بصورة حديثة لبنت الورد .. إذاما عليك أمر يا بوزايد
|
المشاركة الأصلية كتبت بواسطة الإمـــاراتي
 راس وخد فاخر الله يباركلك فيها أخوي محمد ..
بس اخوي محمد التكحيلة أظني ما كان فيها ولا أنا غلطان .. وودنا بصورة حديثة لبنت الورد .. إذاما عليك أمر يا بوزايد |
هلا يابو ساري
لا كان فيها بن عمي يمكن انته ما انتبهت الها عدل
فالك طيب بالنسبة لبنت الورد بعرضها عن قريب انت تامر امر يابو ساري
|
المشاركة الأصلية كتبت بواسطة حمزة
مشكور يامحمد على مجهودك لتطوير الحلال في الامارات
|
الله يجزاك خير اخوي حمزة وابشرك الحمدلله الحلال تطور للافضل خصوصا انتاج السنه تعال وشوف بروحك بتستغرب
الحمدلله حمد الشاكرين
وننتظر المزيد من الانتاج واهم شي عندي انتاج جساس على المعزه اللي شريتها من مسرة
|
المشاركة الأصلية كتبت بواسطة سعد
الله يبارك لك اخوي محمد طيبه الجفره ولو عليها اذن متناسقه كان ياسلام
|
صحيح كلامك اخوي سعد ها اللي قاهرني فيها لكن مخلنها بطن وانشاء الله اتجيب النا جفره على جساس مثل اختها انا صرت امن بالعرق اكثر من الشكل خصوصا لا صار حلال رسه طيب يرجع ايعق من عرقه بعد فتره تحياتي لك وشرفني مرورك الكريم