السلام عليكم ورحمة الله وبركاته
اليوم عاد نويت أعشيكم ويانا ومن عشانا وسامحونا
نعم أنه شي بسيط ولكنها وجبة وأكلة إماراتية
بحته يفضلها الجميع
صغار وكبار ويبحثون عنها باستمرار ويقفون طوابير
للفوز بلقمة منها
ألا وهي خبز الرقاق وهي نوع من أنواع الخبز
الاماراتي اللذيذ والشهي وله عدة طرق للتقديم
وراح أوريكم الطريقة وخبروني أنتو شو تحبون 
أول شي نحضر الطحين العادي لجميع
الاستخدامات ونخلطه بالطحين الاسمر أو البر
ونعجنه بالماء وشوية
ملح
واتركوا العجينة متوسطة القوام غالب عليها السيولة
وخلوها تهدا نصف ساعة تقريبا
جهزوا الادوات
لقن ماي لغسيل اليد وفيه نص غطاء كاسيت لشر العجين وبسطه على المخبز
ملاس مسطح لتقشير الخبز
مخبز خاص للرقاق راح اتحصلونه في كل محلات الوعايين
فرش بيض من تحت الدياي 
انحط المخبز على النار ونمسحه بشوية زيت بواسطة ورقة كلينكس وخلاف انرش ماي نتأكد من سخونته
وجاهزيته للعمل
نغرف العجينة باليد وناخذ كفايتنا
ونحطها على طرف المخبز ونيب الكاسيت ونمسح بكل هدوء بطريقة دائرية
لا تستعجلون ما بيحترق كملوا بكل هدوء
بهذا الشكل
واذا فيه فراغات عيدوا عليها وعادي بيضبط معاكم
يتبع
ممكن اتحطون فوقه بيض ودهن خنين وحد يحب زعتر وجبن وحد يحب بيض وجبن أنتو وذوقكم
يوم تبدا تحمر وتقارب على الاستواء نقشرها زين وانظف مكانها بالكلينكس اللي فيه زيت ونرشه بماي
وهكذا
ونحطها في صينية التقديم
ومثل ما قلت نحن في العزبة يعني كل شي طبيعي في جو اماراتي تراثي بحت نعم المواعين والاطقم الفنانة
متروسه في مطابخنا لكن الاكل غير في العزبة وطعمه بعد غير
والخبز الخالي ممكن تاكلونه ويا البيض والطماط
وعاد سامحوني كلت قبلكم 
خبزتي مع الكرك المصنوع من حليب البقر الطازج
خبزتي مع الكرك المصنوع من حليب البقر الطازج 
أتمنى أنكم اتذكرتوا طريقة عمل الرقاق
اللي كانت امهاتكم قبل يخبزن بها
لكنهن كانن أشطر عني ما يخبزن بكاسيت 
وأشكركم لكم حسن متابعتكم
كتبته وخبزته وصورته
أختكم غبيشة
عندي سؤال بس
غطا الشريط هذا من وين طلعتييه ^_^
شرايط ميحد حمد 
خخخخخخ من وين يعني العمال عطوني شرايطهم
خخخخخخ من وين يعني العمال عطوني شرايطهم مشاركة طيبة وجميلة أختي : غبيشة
وما قصرتي تسلم ايدج على الطبخة
وبيض الله ويهج على مواضيعج المفيدة
تحياتي
يزاج الله خير على الخبزالغاوي
تسلمون يا شباب وعساكم على القوة وطعام الهنا
وعليكم السلام ورحمة الله وبركاته
مشكوووووووووووره يامشرفتنا ع الموضوووووووووع
الجميل
وتسلم ايدج ياربي
ويعجبني دخوووووووولج القوي ع هذا القسم
وننتظر منج كل ما هوووووو جديد
يتنفذ قريبا في العزبه بإذن الله ،،
جزاك الله الف خير ،،