بغينا أنراويكم اليوم وصفة الكب كيك السريعة جدا خصوصا إذا ضيوفكم اليوم عندهم صغارية وطريقتها سهله جدا
أول شي نيب الله يسلمكم العجين الجاهز ومنه أشكال وألوان كثيرة خلوا اليهال يختارون نكهتهم المفضلة 
عن اتسوون شي ما ياكلونه غميضة تعبكم 
ومكتوب عليه الطريقة
بيض وزيت وكوب ماي
لا اتضيفون شكر الشكر امبونه فيه 
ونخلطه جيدا
ونصبه في القراطيس الخاصه بالكب كيك
ونصفه في الصينية بها الشكل
ونسخن الفرن وأندشش الصينية مدة عشردقايق تقريبا
تموا راقبوه من برع ان صار لونه بني وانتفخ ظهروه
ويكون بجي استوى
خلوه يبرد
وجهزوا كريمة التزيين
حليب نيدو اربع ملاعق وقوطي نستله قشطة وبياض بيضة وقرطاسة دريم ويب وحليب نسته المركز فيه شكر لاتضيفون شكر معاه
واضربوه بالمكسر لين يتسوي كريمة بلون الثلج
واتذوب المكونات
واذا عندكم قمع الكريما الصباب استخدموه ما عندكم حطوا بالملعقة شوي شوي بها الشكل
وافرشوا الكريما بشكل دائري
عقب الله يسلمكم هاتوا الشوكلاته السايله بتحصلونها في الجمعية نفس القسم مال الكيك
وشخبطوا شخابيط 
وهكذا خلصنا وياكم الكب كيك مال الصغارية وطريقته سهله وسريعه واللي عنده كتكوته ياخذها المطبخ وياه ويعلمها اتسوي لربياعها الكب كيك البسيط 
ان شاء الله تكونوا استوعبتوا الطريقة ومشكورين مقدما على المتابعه وسامحونا
أعدته لكم أختكم غبيشة
عمرتي مطبخ المنتدى ما شاء الله عليك
الكب كيك عندنا مستوي لعب
كل شوي وسوا لنا كب كيك
|
المشاركة الأصلية كتبت بواسطة اصيله
 عمرتي مطبخ المنتدى ما شاء الله عليك
الكب كيك عندنا مستوي لعب
|
|
المشاركة الأصلية كتبت بواسطة ملك الأبيض
|
الكب كيك عندنا مستوي لعب
كل شوي وسوا لنا كب كيك
يعطيكم العافية والى الامام بمواضيعكم الشيقة