نتنهز هذه الفرصة أعزائي وعزيزاتي في منتداي العزيز على قلبي وأنقل لكم العزومة العائلية في المزرعة حيث استقبلت عدد من الأهل والأنساب وطبخت لهم العيش واللحم المطبوخ على البخار فتفضلوا الطريقة يالغاليين 
أول شي اخترنا التويس الطيب وذهبت به الى مقصب الذيد ولينما يذبحون اتمشيت في سوق الذيد اشتري الفواكه والخضروات والرطب
وشلينا الذبيحة وردينا المزرعة وجهزت الجدر وطبعا اتعرفونه جدر المندي بس كبير يسد ذبيحة
يبنا الذبيحة وملحناها وفركناها بكركم مدة نص ساعة
بعدين غسلناها وردينا بزرناها وحطيناها في الجدر
وفي جدر ثاني
قلينا البصل
والكزبرة والفلفل الاخضر والطماط وشوية بهارات كبيرة مثل الجرفة والمسمار والهال واللومي الاسود
وصبينا عليه الماي قياس ثمان جيلات عيش يعني 16 جيله ماي
ونظرة على الذبيحة تستوي وكل شوي اصب ماي في قاع الجدر عسب يستوي ببخار الماء
وعقينا العيش وساعدتني الجارية الحسناء 
جزاها الله خير
ويستوي العيش وكنا مسوين حشوة
وحطينا الذبيحة وزيناها بالحشوة
وقدمناها
وتعرفون ربشة الترتيب والحريم 
بسكم صورة وحدة 
أستحي أصور أكل الحريم منقود عند العرب شو بيقولون عني 
مع تحيات الشيف غبيشة دوت كوم
من وين هالجدر العجيب ؟!
الله يعطيج العافية
الصراحه خاطري اتريق غوزي لحم
مشكورين على الطبخه الحلوه
|
المشاركة الأصلية كتبت بواسطة ZooRO
 ســــــــلامي عليج والله ع هالطبخه الغاوية وتسلم أيدج .. يمي يمي
|
|
المشاركة الأصلية كتبت بواسطة بو عبدالرحمن الأثري
الله يغنيهم يكثر خيرهم
من وين هالجدر العجيب ؟! |
|
المشاركة الأصلية كتبت بواسطة Muwad3
بياض ويه
الله يعطيج العافية |
|
المشاركة الأصلية كتبت بواسطة obaid40000
صبحكم الله بالخير
الصراحه خاطري اتريق غوزي لحم مشكورين على الطبخه الحلوه |
وأخوي عبد الرحمن هالجدر يبيعونه في محلات الوعايين وفي الذيد موجود على الشارع المؤدي الى مسافي والفجيرة يميع المحلات اللي تعرض هالنوع منها الصغير للدجاج والكبير للذبايح
يعطيكم العافيه وننتظر مواضيعكم القادمه
|
المشاركة الأصلية كتبت بواسطة نبراس الامارات
شي طيب اختي غبيشه وتحضير جميل
يعطيكم العافيه وننتظر مواضيعكم القادمه |
الله يعطيج العافية