اخواني انا عندي مواليد جدد بس امهاتهن مافيهن حليب اريد منكم الفايده شوه اعطيهن من الاعلاف او من الاكل.
وشكرا
او ممكن تخلي البيدار يمسكلهن امهات ثانية حليبهن وافي وعيالهن كبرن
او اذا عندك بقر عطهن من حليبهن في مراضع بس خففه شوي بالماي في البداية
وممكن تعطيهن بعد نيدو اذا ما حصلت حليب طازج
اما عن التغذية العادية عطهن شعير مهروس وذرة مجروش بس شوي شوي
وأول شي مبروك على الإنتاج اليديد
بخصوص إنك تريد تزيد إنتاج الحليب في الأمهات تراني أنصحك , بإضافة الحلبه مع السبوس وتمكسه ,وإن شاءالله بالقريب العاجل بتشوف في , زيادة بدر الحليب.
والطريقة الثانية , أعزل الحلال المولد عن الباقي , وطبعا أطعمه بالحشيش الأخضر المتوفر عندك .
التمر يفيد بعد
وبخصوص المراضيع الجدد , مثل ماقالك أمير السلام عود المراضيع على إنهن يرضعن من أي ( عنز أو ياعده ) أنته تمسكهن لهن.
والنيدو يفيد بس حاول إنه تكون نص مرضعه الصبح والساعه 12 الظهر والعصر والساعه 8 بالليل هذا إذا كان توه مستوي وطبعا تزيد إنته الحليب مع نمو الصخل.
طبعا إذا رضعت الصخل حليب طبيعي ونيدو بتلاحظ إن الصخل بدل ينخرق ( يضربه إسهال ) وهالشي عادي نتيجة مكس الحليب للصخل بس حاول لا تكثر من مكس الإثنين لان يمكن يضر عقب
وسلامتك يخوي وأتمنى إني فدتك
واعطاء الاعلاف الجيدة واشباع الحلال
ابشركم انه ماشاء الله الحليب زاد من الحلبه ……..
مشكورين.
