يا جماعة الخير ممكن حد يفيدني كيف اقدر استثمر ارضي الزراعية – انا بصراحة احترت
– مرة افكر اسوي بيوت محمية و ازرع خضرة و لكني بطلت لان التكلفة عالية .!!!
و مرة قلت بسوي مزرعة دواجن – بعد التكلفة عالية –
و الحين جتني فكرة زراعة الاعلاف و بالاخص الجت –
شو رايكم هل نقدر نعتبر زراعة الاعلاف مشروع ناجح …؟
شو احتاج لتجهيز الارض ؟
ازرع بالغمر ولا رشاش ؟
هل في داعي ادور مهندس زراعي يعيني ( انا شخصيا ما عندي خبرة في الزراعة )
اذا انتجت اعلاف – كيف بتكون عملية التسويق ؟ من هم الزبائن ؟
كم السعر العادل للبيع ؟
ا اذا هذه الفكرة غير مناسبة .. شو الافكار البديلة ؟؟
اتريا ردود اصحاب الخبرة
و جزاكم الله خيرا ّّ….
وأحسن وقت حق زراعت الجت شهر٩ واذا عندك الماي متوفر زيادة حتى في بدايت الحر تقدر تزرع ..
ونصيحة اذا بغيت تزرع جت لازم تبا ترضم المكان لانه يحتاج لتربه يتخللها هوا مجرد انك تحط ريلك في المكان تغوص في التراب فهمتني ؟!
واذا تبا هالشي قبل لاتزرع الجت ازرع لوبيا او ذره في نفس المكان الي تبا تزرع فيه الجت لانهن يرضمن التربه يعني يهونها ..
والتسويق : عندنا في العين تشحن في السياره وتروح السوق المركزي للمواشي وانته واقف يشترونه بغيت دلال ولا بلجملة ولا انته توقف عليه وتحط عاملك في بعض الايام الخمس قلالات (ربطة الجت) ١٠ دراهم وايام السبع ١٠ دراهم وايام الأربع ١٠ دراهم متفاوت مش ثابت حسب العرض والطلب وحسب الجوده والوقت في السنه..
وعندك ابتدئ في الدواجن اذا مابتبيع منهن بتكفي اكل البيت والمزرعه ولا صار عندك فائض بيع
وعندك بعد الأغنام والخرفان ابتدئ في كمن راس وسد حاجت البيت من لحم ولا صار فائض بيع ووالله انك مش خسزان بس في البدايه بتتعب شوي وبتدفع
وانا اشجعك في هالمجال .. واتمنا انه الي كتبته يفيدك وانشالله تتوفق وتيسر الامور ..
تحياتي.*
وزراعة الجت مشروع ناجح والله يوفقك
| مرحباً اخوي شحالك نصيحتي لك تزرع جت والجت زين حقك وحق التسويق وتكلفته مش عاليه ولا يبا مهندس زراعي ولا شي شبكت الري انته بروحك تقدر تسويها قص ولزق وركب مالعبت بالمكعبات يوم صغير ؟! نفس الشي سهله بس وانته اتسوي شبكت الري فكل للمستقبل اذا بعدين بغيت تتوسع في الزراعه او تمد اكثر بيبات المهم لا تحكر في المنطقه الي بتزع فيها حاول تتوسع لباجر والي يحتاجة الجت وفرت الماي ويطلع في الماي المالح بس مايكون مالح وايد يعني بحدود 7000 – 8000 ملوحة وتربه رمليه طينيه وماب مشكل لو كانت غير بعد ولا تقول ماعندك فكر والله بس روح شوف اي مزرعه او اي بيت زارع مثلا عندنا نحن في العين 70٪ من البيوت زارعين جت ووالله بس بشوف بتعرف وبتصير عندك فركره والتوافيق من الله .. وأحسن وقت حق زراعت الجت شهر9 واذا عندك الماي متوفر زيادة حتى في بدايت الحر تقدر تزرع .. ونصيحة اذا بغيت تزرع جت لازم تبا ترضم المكان لانه يحتاج لتربه يتخللها هوا مجرد انك تحط ريلك في المكان تغوص في التراب فهمتني ؟! واذا تبا هالشي قبل لاتزرع الجت ازرع لوبيا او ذره في نفس المكان الي تبا تزرع فيه الجت لانهن يرضمن التربه يعني يهونها .. والتسويق : عندنا في العين تشحن في السياره وتروح السوق المركزي للمواشي وانته واقف يشترونه بغيت دلال ولا بلجملة ولا انته توقف عليه وتحط عاملك في بعض الايام الخمس قلالات (ربطة الجت) 10 دراهم وايام السبع 10 دراهم وايام الأربع 10 دراهم متفاوت مش ثابت حسب العرض والطلب وحسب الجوده والوقت في السنه.. وعندك ابتدئ في الدواجن اذا مابتبيع منهن بتكفي اكل البيت والمزرعه ولا صار عندك فائض بيع وعندك بعد الأغنام والخرفان ابتدئ في كمن راس وسد حاجت البيت من لحم ولا صار فائض بيع ووالله انك مش خسزان بس في البدايه بتتعب شوي وبتدفع وانا اشجعك في هالمجال .. واتمنا انه الي كتبته يفيدك وانشالله تتوفق وتيسر الامور .. تحياتي.* |
والله يا النيادي تراك كفيت و وفيت و اشكرك على هاي المعلومات الطيبة . …. خلاص انا عزمت و باذن الله ببدأ بترتيب المزرعة في اسرع وقت و ان شاء الله بحط صور عن مراحل العمل . و جزاك الله خير
| توكل على الله وكنت افكر في هالمشروع بس ماتوفرت ارض زراعيه الحمدلله وزراعة الجت مشروع ناجح والله يوفقك |
جزاك الله خير يا حلالي غير … و اني اسال الله انه ييسر لك الحصول على الارض الزراعية .. بس اسال الرزاق الكريم
و صدقني ما بيردك خايب
| توكل على الله زراعة الجت مشروع ناجح والله يوفقك |
و ربي يوفقك انت بعد يا النخبة
تحياتي لكم و مشكورين و ما قصرتوا
1- جلبة الجت كم تكون ابعادها ؟؟ هل هي مترين في ثلاثة ؟؟ ( ممكن صورة ؟ )
3- و كم ربطة اقدر اطلع من الجلبة الوحدة ؟؟
4- و يوم نقول ربطة !! شو اللي يحدد حجمها ؟؟ يعني في قياس او وزن معروف للربطة ؟؟
5- و من وين يشترون بذر الجت ؟؟
6- و هل في نوع واحد ؟؟ ولا انواع مختلفة ؟
7- و شو الفرق بين انواع الجت ؟
8- و شو احسن الانواع ؟؟
9- و هل الجت لازم ينباع طازج ( اخضر ) ؟ ولا عادي اذا كان ناشف ؟؟
10- و هل سعر الناشف يفرق عن الاخضر ؟
11- و هل ينباع الناشف بالربطة بعد ؟؟
12- و على كم ينباع ؟؟
و جزاكم الله خير مقدما
و بنكمل وياكم سلسلة الاسءلة لاحقا ان شاء الله :d
انا كنت ادخل المزارع واقرا اسم راعيها على باب المزرعه واروح للعامل هاه رفيق بورا كيف حالك هاه مزرعة مال فلان لفلاني هيه مايجي ارباب والله انته عرف ارباب هيه عرف صديق ولا عمي ولا نسيب وهنيه العامل اساله شو تبا منه كم سوي من وين بذر شو كيماوي اتعمل شو سماد من وين كم مرة اسقي في اليوم كم مره قوص جت في الشهر كم وكم ومتى وكيف ؟؟؟؟؟؟؟ اسموحة شفرت ارمس هنود وعمال
بس والله دش كم مزرعه 10 12 13 وبتستفيد اكثر بس عاد روح المزارع الي يزرعون فيها الجت والارباب مب كل يوم هناك خذ راحتك اطمش على الطرق كيف
ولاسمدة اعتقد مثل الرودس
تحتاج سماد عادي حيواني عضوي كرمتو ويوريا و 18-18 وسوبر – 28 بس هاذي خلها اخر شي الاسمدة والبذور
الحين عليك بلارض والشبكة للري واليلب ترتبها وترضمها بعدين بنسالك عن بذور الجت
وماعرفناك انته من وين ؟
والسموحة
و جزاك الله خير ….
و تراني من الشارجة
وفي الشارجة عنكم في الذيد وفي مليحة والمدام وايد شغالين بالجت وفي الزبير
بس والله شروع ناجح نحن عندنا يشترون او يستاجرون مزارع في عمان قريبة من الحدود ويرشها كلها جت وسوق في العين تعال شوف الشحن فاليل داينات محملات جت من مناطق تبعد خمسين وستين كم
وانا اعرف واحد من الربع يدخل في سوق العين جت يحملة في جمس سيررا يترس البدي فوق القبة بشوية ويدخل السوق ومايصبر عليه يستعيل في البيعة ويبيعه على التاجر وكل تريب ب 2800 – 2400 – 3200درهم مش ثابت واسال اكثر بتعرف
موفق خير انشالله