الله يحييكم …..
هذا السؤال جال في خاطري لما أرى من امور توجب طرح مثل هذه الاسئله الصريحه ……ومن هذه الامور …
غلاء الاعلاف …
تنوع سلالات الحلال فمنها الغالي ومنها الرخيص …..
تعدد المزادات وكثرتها …….
في أغلب الاحيان لايعطى الحلال السعر المطلوب ( السومه ) ….
فإذا خلونا في الصراحه احسن ….. حتى نرقى بحلال طيب ويستاهل تربيه ….
وكذلك هل التربيه الحاليه صحيح أم تخبط …. وهل تستفيد من خبرات الاخرين أم تمشي ع البركه …..
تقبلوا موضوع برحابة صدر واسع ……… الله الموفق ….
تنوع السلالات
كثره المزادات
التربيه والتخبط فيها
اخي العزيز اثرت النقاط هذي وبحاول جاوب على قد معرفتي القاصره والكامل وجه الله
غلاء الاعلاف
اخي العزيز المربي ما يقدر يتحكم بالغلاء والرخص ولكن على المربي ان يجد مخرج باقل الخسائر يعني لقيت الشعير غالي اتجه للجت لقيته غالي شوف الرودس والعلف الشامل المهم حاول تجد مخرج لا يأثر بحلال التربيه المهم الصحه والانتاج
تنوع السلالات
على المربي ان يربي ماهو مطلوب في السوق يعني اللي يجيب مردود مجزي ربه ولا تهتم بالباقي اذا قصدك تجاره وطبعا الاغلبيه تجاره ولله الحمد
كثره المزادات
أخي العزيز المزادات هي تسويق لاهل الصنف فقط يعني اللي عنده صنف يروح لمزاد ويعرف عن حلاله ويسوق لان السوق الوحيد عند اهل الصنف المعارف وامزادات فقط لو يروح السوق بيثمنون حلاله بقيمه ذبيحه المهم خلهم يكثرون المزادات والله يرزهم
التربيه والتخبط فيها
كل انسان يتخبط في بداياته وبعدين يتعلم ويقلد الجميع وبعدين يبدع وبتكر اشياء جديده والدنيا تعلم
وفي النهايه تقبل تحياتي وتقديري
اشكر مروركم الكريم …. ع المداخله الطيبه …… الله الموفق
تشكر أخي العزيز خالد بن عمير على الطرح الراقي
بالنسبة لي شخصياً أشوف أنه أفضل نوع للتربية في الوقت الحالي الغنم الصلالي لعدة أسباب
منها أنه مطلوب عند الشباب وبقوة والعدد في تزايد بس لازم يكون النوع الصنف والألوان الجيشية والمرششة
والسبب الثاني أنه أسعارها في متناول الجميع.يعني بقيمة شاة نجدية معرفة تقدر تشتري على الأقل خمس صلاليات صنف وبمستوى راقي
والسبب الثالث أنك إذا أكرمتها فنسبة التوائم نسبة كبيرة
والسبب الرابع ترتاح من شغلة الفحل من ناحية النسف وغيرة
والسبب الخامس أنه الغنم بشكل عام يستهلك أقل كمية من الطعام بالنسبة للخرفان
لاكن العيب الوحيد من وجهة نظري في الصلالي أنه يباله عبالة او اهتمام أكبر وخاصة في الشتاء
والسموحة منكم يا إخوان شما
تسلم اخي منصور الظاهري والاخ بومحمد سيف … عن طرح مشاركاتكم بصراحه ليستفيد منها الجميع …..
موضوع ممتاز أخوي خالد بن عمير .. الأسئله في محلها وهي من أهم الأسئله إللي
تدور في راس أي مربي أو مبتدئ ..
وأعجبني رد أخوي مفارق ولايف كان دقيق ومرتب … وأجوبته عمليه
بس حبيت أشيد بالمجهود إللي تبذله أخوي وإن شاءالله راعيين الخبره والحلال يفيدونكم
إحترامي
تسلمون ع المرور الكريم منكم ….. الله الموفق
الاهم النوعيه وليست الكميه..
مثال لو عندي 20 راس جاموديات افضل من 30 راس محليات!
لان الجاموديات بتبيع الفحول عمر 5 اشهر على 1000 درهم والصخلات على 1400 الى 1600 او اكثر.
الاهم النوعيه ,, ولابد من توفر المحليات لودام البيت والهدايا يعني عزيز عليك ياي من الحج او ساكن بيت او ما شابه.
بعد الرحبيات تجارتهن حلوة لغزارة حليبهن وجمال مظهرهن..
ومنكم نستفيد
تسلم اخي سحاب ع المرور والمشاركه …….
ماشاء الله عليك كفيت ووفيت ….. بارك الله في حلالك ….. الله الموفق ….
وأشكرك ع التوقيع اللي حاطنه ……. وتعتبر نصيحه بارك الله فيك وأثابك …..