مبروك بيعك يا ابيض الوجه برقان *** لو إن بعده عن حلالك خسارة
والله يعوضك خير ياذرب الايمان *** وراع النظر شرواك يملك جسارة
قبله معني بيع ورياض وجنان *** ولازلت ياهاوي النجد في الصدارة
سنا وكاش وما يباخ وحوران *** تثبت بها بعد النظر والشطارة
الناس بكره تفتح عيون وآذان *** بكره تحرى الشيخ يصدر قراره
بانتاج يبقى عالي وسط الاذهان *** يبين لاهل الصنف معنى المهاره
لانك خبير وبان لك كم برهان *** واخذتها نمرة ورقم استمارة
منتب بها ياوافي الشبر بحلان *** ولاظنتي يطول علينا انتظاره
بكره على وجه الصحف يظهر اعلان *** ويشيع ذكره بين حي وحارة
وصل الخروف الي على بال ولسان *** منزاله القمة بعزم وجدارة
خصم الخصم مافيه عيب ونقصان *** راس خصم مع كبر جرم ونوارة
انتاج ندر مرجح كل ميزان *** عليه جودتكم وختم التجارة
واقبل تحية مخلص لك وشفقان *** يبي التكرم من جنابك زيارة
ولا قلتها طماع في مال واحسان *** انا بخير وزادك الله وقاره
وعسى الله يعوض على ابو عبدالله السعدون بأفضل مما باع
وعسى الله يبارك لخليفة الدويس فيه ويشوف منه الإنتاج الخصم ان شاء الله
واسأل الله للجميع التوفيق والنجاح ان شاء الله فهذا كله يصب في مصلحة الجميع
وأسأل الله أن يبارك لك أخوي محمد القشعمي في مالك وحلالك ان شاء الله
تقبل تحياتي
عز الله انه ما قال الا الصحيح
تسلم على النقل الرائع يا بوسليمان
تقبل تحياتي
…….. صاغه سليل عويس فن ومهاره
مبروك لاهل الحق نورك الى بان
…….. مبروك مثلك نفتخر في جواره
عطني كتابي ..لاعدمناك عدنان
…….. بكتب مشاعر صادقة وبحراره
الشعر هاج وداخل الجوف بركان
…….. هرج العرب ياخوي ياحر ناره
بعض البشر من بيعة الشيخ زعلان
…….. ندر النجد غادر وخلى دياره
صحيح من قال النجد مالها اوطان
…….. لكن فراق المعجزة له مراره
الشيخ له نظرة … قراره ..بميزان
…….. أول دراسة ثم يصدر قراره
يحب نشر الزين في كل ميدان
…….. يفرح لغيره مايريد احتكاره
يبي يجدد ..يرسم الدرب .. فنان
…….. وبعض الكواكب مايغير مساره
تاريخ حافل عارفينه من ازمان
…….. بعيد عن درب الخطا والثواره