السلام عليكم ورحمة الله وبركاته
اليوم يالغاليين يايبتلكم وصفة سهله كلكم تقدرون تسوونها
مقاديرها قرنبيط " زهرة " وبيض وزيت وملح وبهارات
وخلطات مال الكنتاكي وبس 
الزهرة غسلوها زين وخوزو الرمل عنها وبعدين اسلقوها في ماي وملح مدة عشر دقايق
البيض
اضربوه وضيفوا عليه الملح والبهارات
غطسوا القرنبيط في خلطة البيض
وجهزوا مصخن زيت عميق واقلوا القرنبيط فيه
وبيكون بها الشكل
ملاحظة حد من الناس يحط صحن بقسماط أو طحين فيه نفس البهارات علشان يعطيه سماكة ولون وهالشي يرجع لذوقكم
الله يعطيج العافية
طبخه حلوه ..
انا احب المقالي لكن مشكلة كثرة الزيوت فيها،،،
تقّبلي أطيّب المُنى،،،
تقّبلي أطيّب المُنى،،،
الله يعطيج العافيه
وصفة سهلة وخفيفة ولذيذة في الوقت نفسه
كل الشكر لج اخت غبيشة على المواضيع الراقية والمميزة
/
احترامي
لكن سؤال يا أختي غبيشة اشوف كرتون بيض مستورد من السوق وانتي ماشاء الله مربية حلال أليس من المفترض وجود أكتفاء ذاتي للبيض وانتاج محلي ؟
العذر على الاستفسار اختي غبيشه
كل الشكر لج حياتي