السلام عليكم ورحمه الله وبركاته
كيف الحالة يا اخواني واخواتي في المنتدى الغالي على قلوبنا
قبل اسبوعين رحت العزبه عشاناشوف الحلال ولاحظت انه عنز ناقصه من الحلال…دورت ف العزبه كلها وعديت الحلال يمكن اكثر من 10 مرات لكن ما لقيتها بين الحلال….استغربت قلت في بالي وين العنز ف البدايه شكيت ف العامل وقلت يمكن باعها لكن العامل يديد وما يعرف حد ومغلوب…وانا مب مقصر وياه فشي …قلت يمكن احد سرقه …. وطنشت الموضوع……. وقبل 3 ايام اتصل بي العامل وقال ( أرباب واهد كنم مافي )
وصدمني…قلت لنفسي هذا الحرامي غريب امره
اول مرة اشوف حرامي يسرق كل اسبوع بس راس….
قلت براقب المكان لكن انا ما اعرف متى بيسرق المرة اليايه…وانا بيتي بعيد عن العزبه ودوامي شفتات للأسف
والبيدار ما يقدر يسهر كل يوم
قلت بييب جلب………لكن انا واحد اكره الجلاب….وما اطيقها خير شر
واخاف الجلب يوم من الايام يذبح شي من الحلال
شورو عليي يالربع شو اسوي
بس انا لين اليوم محيرني هاللص الي يسرق راس ويرجع عقب فترة يسرق له راس ثاني
ويمكن هو سرق قبل بعد وانا ما لاحظت الا الحين
لكم مني اجمل تحية
صارت لنا السالفة انسرق تيس من الانواع الممتازة من المزرعة عن الوالدة ولليوم تتحسر عليه
شوف ركب كاميرا
خل البيدار يقفل العزبة بقفل من المغرب ..واذا السور نازل ارفعه زيادة
هات كلب وامرك لله بس اربطه عند باب الزرب عشان ينتف الحرامي
وإذا بغيت كلاب متوفره عندي حق الحراسه
بخصوص الكاميرة…………..نفرض الحرامي متلثم بيسرق وبيسير والكاميرة شغاله ولا بنحس فيه
وان شاء الله بتواصل وياك اخوي ملك الابيض بخصوص جلب الحراسه
انت شوف منو يتردد على العزبة ومنو يمر صوب العزبة ولا حد مر عليك العزبه من الهنود اللي يسوون عمارهم يشترون لانهم اكثر ناس شغالين في هاي السوالف .
تراك اذا فالطي الله يعينك لانه المكان هذا تكثر في السرقات ف لازم اتروح كل يوم يعني ماتحدد لك وقت معين اذا فاضي مر يعني خل البيدار يشوفك كل وقت اصدمة في سيرتك للعزبة هذا احسن شي
كلب حراسه ..
ترفع السور ..
كيمرات ..
كهربه ع السياج ..
تعدل العزبه اذا كان في حفر من تحت سور و لا مكان مقصوص و مب مركب عدل ..
و السموحه ع القصور ..
اول شي شوف حد من الشباب اللي يقصون الاثر أكيد أنهم بيعرفون وبيتبعون أثره
ثاني شي بلغ الشرطة الخيالة مابيقصرون ايمرون كل مكان وبيساعدونك
ثالثا وهو أهم شي اقرا على عزبتك وحصنها واستودعها الله الذي لاتضيع ودائعه
حط كيمرات
وحط جلب واربطه جدام قفص اللعنز