بسم الله الرحمان الرحيم
السلام عليكم ورحمة الله وبركاته اخواني عندي استفسار بخصوص الياي البكستاني وارجو المساعدة من اهل الخبرة
توني مبتدي في تربية الدجاج الباكستاني وعندي دياية باضة ولكن ما شوفها اترك وايد علي البيض ولكن الدياية الثانية اترك ع البيض معنا مب بيضها فا انا خليت الديايتين في قفص وعزلت الديج ان وايدين قالولي عادي يكسر البيض لكن استفساري
هل الي سويته صح
كيف الخلي الام الاصليه اترك ع بيضها
حد قالي انه الديايه اذا شافت انه مب عيالها الي راكه عليها يوم يطلعون تجتلهم
بغيت احافض علي البيض والصيصان يوم يطلعون
واسمووووووووووووووحة
ارجو الافادة
السلام عليكم اخوي انا حسب خبرتي دام الدجاجة ركت ع البيض لو يطلع شوه ماكان بتحضنه ع اساس انه عيالها لا كن اذا بعد ماتفقس ويطلع الصيصان تروح انته مثلا تييب صيصان غير وتحطهم تحتها في احتماليه كبيره انها تنكرهم وتذبحهم وهذا يختلف احيانا واتمنى اني افدتك بشي والشباب اهل الخبره مابيقصرون وياك انا مب خبير مربي عادي
مشكور اخوي وما قصرت
الغالي دام انها ركت عالبيض سواء شوي و لا وايد خلها راكه و بتفقسلك البيض ان شاء الله
و هي دام انها ركت عالبيض و فقسته ما بتعرف اذا عيالها و لا لا و بتعاملهم جنهم عيالها الا اذا بعد ما فقست انت يبت صوص و خليته تحتها هالوقت هي بتجتله و بتعرف انه مب و لدها
و السموحة
مشكور بو سنيده ما قصرت
السلام عليك بوسلطان
انصحك تحط البيض تحت دياي الدار بيكون الانتاج ان شاءالله بصحة جيده لان معروفه الديايه الباكستانية دفشة تحفر وتدفن ولا تدري اذا ركة على البيض ترك على ٥ او ٧ وطلع ٣ وتخيس الباقي
والسموحه *
انصحك تحط البيض تحت دياي الدار بيكون الانتاج ان شاءالله بصحة جيده لان معروفه الديايه الباكستانية دفشة تحفر وتدفن ولا تدري اذا ركة على البيض ترك على ٥ او ٧ وطلع ٣ وتخيس الباقي
والسموحه *
مشكور الشامسي بس ما عندي دياي الدار
اخوي عادي انه الديايه ترك على بيض ديايه ثانيه
الشباب يحطون بيض بط و بيض رومي تحت الدياي و الامور طيبه
الشباب يحطون بيض بط و بيض رومي تحت الدياي و الامور طيبه
شو اخوي في الصيف خاصتا الدياي مايرك على البيض وايد لانه درجة الحراره بتزيد وبيموت الصوص داخل البيض فسبحان الله تلى الديايه ترك شوي على شان تجلب البيض واتقوم ماعليك ان شاء الله الامور طيبه
مشكورين اخواني