كيف الحال ياجماعة الخير
عند موضوع ودي الطرحه عليكم يا اخوان
والفايدة اللي بنطلع منها بتنفع جميع اعضاء منتدانا الغالي
الموضوع او السوال ؟
انواع الاغنام والماعز اللي موجودات عدنا في البلاد وعدد ولداتهن في السنه الوحدة وكيفية تاكثرهن بسرعه
يعني بوضح اكثر يمكن ما وصلت المعلومة اللي اباها
ابا كل حد يقولنا انواع الاغنام الموجودة عنده او من واقع خبرته وتجاربه في الحلال
بوضح اكثر وبتكلم عن نفسي
يعد الدار او المهجنات يولدن في السنه الوحدة او في 14 شهر مرتين عندي
عكس ماعز الدار اللي في السنه ما يولد غير مرة وحدة فقط
الماعز :
الرحبي يولد مرة في السنه
السعيدة مره في السنة
الجامودي مرة في السنه
الخرفان :
المهجن مرتين في السنة
الطمطم او اليمنيات مرتين في السنة يتاكثرن بسرعه
هذا انا اللي اعرفه ويمكن اكون غلطان وارجو التصحيح من اهل الخبرة
الباكم يا اخوان تتفاعلون مع الموضوع لتعم الفايدة
ودي بجابات من الاخوان مربين الانواع الاخرى مثل
الصلالي؟
النجدي؟
النعيمي؟
السوري؟
البكستاني
او اي نوع تعرفونه؟
واذا في امكانية معرفة در الحليب وكم مولود في كل بطن
تحياتي لكم
والعذر والسموحة
ببدا في نفسي
عندي حاليا ماعز مهجن بين الشامي و القبرصي و الباكستاني
و قبل كان عندي جاموديات و سعيديات
بالنسبه للحليب الشاميات و القبرصيات و الباكستانيات حليبهن وايد اما الجاموديات و السعيديات حليبهن على قد عيالهن و من تفطم عيالهن ينشف حليبهن بسرعه و هذي اعتبرها ميزه لان اغلبنا يربي الحلال لانتاج الذبايح و ليس الحليب . و اغلب الانتاج ينفطم في عمر مبكر و اغلبنا يتمشكل بحليب الامهات و ضروعهن
في اول بداياتي كانت الولادات مثل ما تفضلت مره في السنه خاصه بالنسبه للجاموديات
بعض السعيديات كانن يولدن مره كل سبعه اشهر
و الفحول كانت مع الحلال طول الوقت
حاليا 85% من الحلال اللي عندي يولد مره كل ثمان شهور يعني بمعدل 3 ولادات كل سنتين
و السبب اني عازل الفحول
و الطريقه كالتالي
1- اعزل الفحول في طرف المزرعه و بعيد عن الاناث
2- افطم الانتاج على عمر 3 شهور و اضرب ضروع الاناث بمعصار التنشيف و هذا مضاد حيوي طويل المفعول عشان الضروع ما تخترب و تستريح و تريح عمالك من الحلب
3- اعطي الاناث و الفحول فيتامين e حقن او في الماي
4- هد الفحول مع الاناث لمده 45 يوم و طبعا لازم تراعي عدد الفحول عشان كل الاناث بتصرف في نفس الوقت تقريبا يعني الميه راس تحتاج على الاقل 5 او 6 فحول شبب.
5- بعد الهداد تعزل الفحول و بعد عزل الفحول بشهر تخفف اكل الاناث لو حبيت توفر شوي لانهن في هالفتره ما يحتاجن طعام وايد.
6- قبل الولاده بشهر و نص تبدي تزيد طعامهن بالتدريج
7- وقت الولاده خل عمالك يفتحون عيونهم و ينتبهون لان اغلب الحلال بيولد خلال اسبوعين بالكثير
8- بعد الولاده اهتم بتغذيه الامهات و المواليد و افطم المواليد على عمر 3 شهور و يفضل انك تعزلهن بعيد عن امهاتهن
و هكذا
رايتك بيضا معلومات جدا قيمة
وين الناس الخبرة
وين اللي بينفعنا
الصلالي؟
النجدي؟
النعيمي؟
السوري؟
البكستاني
او اي نوع تعرفونه؟
الانتاج في السنة او الفترة اللي تاخذها بين الولادة وبين ما تلقحة من الفحل مرة ثانيه ؟؟؟؟؟؟؟؟؟؟؟؟؟
م.هاوي
تاركم مطلوبين تشاركونا
احنااا ماانربي غيرر مال داار الي تسموونهن السعيدياات
وبنسبه للولد العنز تولد مرتين فسنه بس بشرط اتكوون شبعاانه وتيس يكوون فيهن مفكووك
بس احسن لما تولد مره وحده لانهااا تتعب ويقل الحليب ولمولود يكون ضعيف نه ماا بيشبع حليب بترضعه شهر او شهرين بعدين تعشررمايصلح
والسمووحه ع المداخله
بس مشكلة ماعز الدار اذا فاته موسم الهداد راح عليك الموسم كله
ومشكلة الفحل ما يهد الا في أوقات معينة في السنة
ولو تخبرنا الشيخ عن أوقات الولد عندك وعن موسم الهداد في اي وقت في السنة عشان نستفيد اكثر
تحياتي لك عاشق المزيون