يامرحبا ملايين
خواتي وخواني طلبتكم تساعدوني في مشروعي الصغير
اولا انا صغيره فالسن والخبره في رعاية الاغنام لاكن عندي حب وطاقه اني اشتغل في هاذا المجال
حاليا قررت اسويلي درس في مزرعتنا واحط فيه كمن غنمه ، دخلت فالمنتدى وسجلت واستطلعت وقريت عن بعض المواظيع …
بغيت هل الخبره يساعدوني ويجاوبون على اسئلتيه ويفيدوني في بعض المعلومات والنقاط المفيده واللي لازم انتبه الها
اولا شو احسن نوع غنم وفحل ابدا به؟ وكم تكون اعمارهم احسن ابدا بصغار ولا؟ والكميه؟
وطريقة الدرس كيف تكون احسن يكون وسيع ولا صغير؟
ونوع الاكل والكميه؟
للعلم العمال موجودين فالمزرعه بس احب قبل لا ابدا يكون عندي خلفية جيده عسب اهتم فيهم واعرف شو اسوي وكيف اتصرف 
وان شاء الله اهل الخبره ما بيقصرون
وبدايه ادخلي على المواضيع في الرابط التالي
وخذي فكره عامه
http://www.uaesheep.com/vb/#?t=68879
والاخوان ما عليهم زود بيكفون ويفون معاج
مع تمنياتنا لج بالتوفيق
باذن الله
اذا بغيتي الشي المرغوب عليج بــ النعيمي والمهجناات
المهجناات تهدين فيهن فحل نجدي والنعيمي فحل نعيمي
ويفضل يكون المكاان واسسع الي ياكلون فيه
وتبنين مكان خاص للمولداات
ويبالج مكان غرف تكوون مسكره خص ف الشتى تقدرين تغطين الغرف بطرباال او خششب لمنع دخول البررد على الاغنام سوواء كبار او صغار
بلنسبه للاكل المتعارف عليه افضل شي الجت والرودس لكن مايعطي نتيجه مثل الجت في التسمين واناا ماانصح تعطينهم رودس بدوون جت يفضل اول شي الجت واذا توفر الرودس مع الجت خير وبركه ماتوفر الجت بيغنيج
والسعف مال النخل اذا توفرر عليج به كثري منه
بلنسبه للاعلاف الجافه الي تباع عن طريف جهاز ابوظبي للرقابه الغذائيه الي هو الكامل والمركز
الي بـ 7.50 سبع ونص مجموعه من الحشائش مكبووسه على شكل كبسوول والحلال ياكله بسس بكميات قليله
ولكن في النهايه الحلال بياكله
الشي الثاني الي بـ 12.50 اثنعشر ونص مرركب ممتاز للحلال
والسبووس المخلوط ممتاز للتسمين وينعطي للمولدات والمواليد وللحلال بشكل عام
وعليج بـ الذره والشعيررر
اتمنى اني قدررت افيدج
تحياتي لج
اولا نتمنى لك التوفيق في مشروعك
اذا انتي ناويه تدخلين كمشروع وتبغين ربح انا افضل انك تبعدين عن الاغنام وادخلي مجال الدواجن اسهل اما اذا تبغين تدخلين عالم الاغنام وكمشروع تجاري لازم لا تقل الكميه عن 100 راس وحاولي تاخدين بسعر رخيص بس يكون حلال سليم من الامراض وحاولي تشترين في مواسم الشراء وحاولي تشترين المهجنات لكن الفحول خدي شي مستوى بيرجع قيمته في الانتاج
والله يوفقك
يعطيكم العافيه ع المعلومات الطيبه والثمينه