أحد الإخوان نصحني إني ما أهد الفحل على الرخال إلا يوم يكون عمارهن 10 شهور وفوق، وطبعا الهدف من هذا حسب قوله حتى تاخذ الرخلة وقت كافي ويكبر جسمها وبالتالي ينعكس هالشي ايجابيا على المواليد وتكون كبيرة !!
أبا أعرف من أهل الخبرة هل هالنصيحة صحيحة ؟!
وهل إذا عشرت الرخل وهي 6 شهور مثلا فهالشي بيأثر على حجمها مستقبلا ؟!
وهل المولود يتأثر بحجم الأنثى أم الفحل ؟!
أفيدونا افادكم الله 
بالنسبة للأناثي يفضل فعلا انك تهد عليها الفحل بعد ماتكمل 10 شهور وفي ناس يهدو الفحل على الاناثي بعمر سنة وفوق عشان تاخذ حجمها وجرمها
إنما بالنسبة للمواليد يعتمد جرمها أكثر شي على الفحل بنسبة 80%
وفي ناس ماتعزل الفحل عن الحلال أبدا ومن وجهة نظري هذا أفضل شي إذا كان غرضك إنتاج الذبائح
وإذا كان حلالك معرف وتبا تنتج من فحل معين أكيد بيكون يهمك الجرم وهني يفضل انك تعزل الاناثي لين تاخذ جرمها وبعدين تدخل عليهم الفحل المراد الإنتاج منه للتأكد من نسل المواليد
وجهة نظر قد تصيب وقد تخطأ وان شا الله أهل الخبرة بيفيدونا أكثر
|
المشاركة الأصلية كتبت بواسطة أبو عبدالرحمن الأثري
 السلام عليكم
أحد الإخوان نصحني إني ما أهد الفحل على الرخال إلا يوم يكون عمارهن 10 شهور وفوق، وطبعا الهدف من هذا حسب قوله حتى تاخذ الرخلة وقت كافي ويكبر جسمها وبالتالي ينعكس هالشي ايجابيا على المواليد وتكون كبيرة !! أبا أعرف من أهل الخبرة هل هالنصيحة صحيحة ؟! وهل إذا عشرت الرخل وهي 6 شهور مثلا فهالشي بيأثر على حجمها مستقبلا ؟! وهل المولود يتأثر بحجم الأنثى أم الفحل ؟! أفيدونا افادكم الله |
الافضل و الاسلم انك تأخر الرخال مثل ما نصحك خويك خاصة اذا كان حلالك حلال مزاين
ولكن اذا الرخل بعمر 6 شهور ماخذه حجمها و جريمه و صحتها طيبه ما يمنع تهد فيها الفحل
خاصه اذا انها بتولد مره وحده في السنه
اما اذا كان حلالك من النوع اللي يولد مرتين في السنه فالافضل انك تأخر الرخال الى عمر 10 شهور
اذا عشرت الرخل و هي صغيره لابد من الاهتمام بها و تغذيتها تغذيه جيده الى ان تنتج و تفطم انتاجها
المولود يا طويل العمر ياخذ من صفات الفحل و الام و لكن اذا الفحل اصيل ما فيه تهجين و الامهات مهجنات بتلاحظ انه الانتاج يشبه الفحل
و الشبه يعتمد على المعمق و اذا الحلال قديم يعني اذا عندك فحل ماخوذ من حلال طيب ما دخل عليه اي حلال ثاني لمده طويله -يعني 50 سنه مثلا و هالحلال فحله منه وفيه – هذا الحلال قديم فاذا اخذت منه فحل و دخلته على حلالك بتلاحظ انه الفحل "يطبع" يعني انتاجه يشبهه بدرجه كبيره
بالنسبه لحجم الانتاج
الرخل اصغر من الشاه في الحجم و بالتالي المولود يولد و حجمه صغير
و فوق ذلك حليب الرخل يكون اقل و بالتالي الانتاج بيكون حجمه صغير
لين مايكملن فوق 6 شهور حسب الجرم مرات 8 ومرات 10 شهور ومرات حتى سنة لانه لو عشرن وهن صغار اول شي يبالهن -اهتمام اضافي-يضعفن-تعسر ولادة-مولود ضعيف وحجمة صغير-مافي حليب او قليل
بسيطة خلهن معزولات وشوف الجرم بعد مايكملن 6 شهور عينك ميزانك …
موووفق خيررر
تحياتي لك