أولا احب أن احيي جميع الأعضاء هنا بدأ بالإدارة الكريمة.
ثانيا : اطلب استشارتكم في الفحل هذا ينفع نشتريه والا لا.
مع اني شفت انتاجه ما شاءالله.
يقول صاحبه انه عارضه للبيع .
بس اشوف غرته لونها بيضاء. فهل هذا شي غريب في العارضي والا بسبب خبرتي البسيطة.
الفحل بدون زوايد وزي ما سمعت ان هذي من علامات العارضي الأصيل.
بارفق الصور اللي ارسلها لي ولكم الحكم.
وهذا الفيديو اللي ارسله لي بعد(أرجوا تغير نهاية الملف من pdf إلى zip ومن ثم فك الضغط وشغل الملف).
والسلام عليكم.
|
المشاركة الأصلية كتبت بواسطة راعي جهام
 مساء الخير اخوي العزيز : لوكانت الصوره كبيرة ومن زوايا كثيرة يسهل الحكم علي الي في الصورة لاكن بشكل عام البياض الي في راس الفحل نسمية نجام اوصباح هذا لي باين في الصورة حاول تعرض صور واضحه وكبيرة واللة يوفقك ( والنجام مهب مرغوب بشكل عام ) اخوك راعي جهام
|
الله يجزاك خير.
شوف ملف الفيديو اللي في المشاركة الأولى يمكن تكون الصوره واضحة .
مع اني اشوف شكله حلو متناسق مع لو الآذاني , لكن انتم ابخص.
راح أسأله يصوره من جميع النواحي.
وهذي صوره لإنتاجه ارسلها لي.
توم تيوس ما شاءالله.
ابغى رأيك في الانتاج بعد.
والسلام عليكم.
|
المشاركة الأصلية كتبت بواسطة بو صقر
هلا اخوي يعني كم سعره اذا شتريته شكله جيد
|
أخوي بو صقر ,
والله ما ادري.
لأنه عارضه قريب للبيع زي ما يقول.
والسلام عليكم.
|
المشاركة الأصلية كتبت بواسطة سعد
اشتره اذا كانت قيمته مناسبه الين تلقى احسن منه انتاجه حليو
|
مشكور أخوي سعد.
الرجال ما حده , ومستني سومتي.
كم تتوقع انه يستاهل.
ومشكور على ردك.
ما عندي خبره كبيرة في العارضي , بس على كثر ما شفت من تيوس عارضيه فهذا اعتبره نادر.
لأني أول مره أشوف تيس عارضي في راسه بياض.
ما شاءالله تبارك الله حصان عربي أصيل.
هذا رأيي حسب ما رأيت , ويمكن أهل الخبره يفيدونك أكثر.
|
المشاركة الأصلية كتبت بواسطة العقبي
ما شاءالله تبارك الله.
ما عندي خبره كبيرة في العارضي , بس على كثر ما شفت من تيوس عارضيه فهذا اعتبره نادر. لأني أول مره أشوف تيس عارضي في راسه بياض. ما شاءالله تبارك الله حصان عربي أصيل. هذا رأيي حسب ما رأيت , ويمكن أهل الخبره يفيدونك أكثر. |
بيض الله وجهك ورحم الله والديك.
وألف شكر على النصيحة.
وننتظر أراء الخبراء.
وكذلك انتظروا الصور الأخرى ان شاء الله قريبا .