شحالكم ؟
يالربع انا ناوي اربي غنم وبقر
وماعرف كيف ابدا .. مع ان ابوي عنده وعمي ويدي وتقريبا كل حد فالعايله .. بس محد فاضي 
اباكم تعلموني كيف ابدا وشو اسوي ..
والمكان بيكون فمزرعة يدي .. لأن البلديه وقفت توزيع العزب والسبب اعتقد لأن ماشي اماكن .
بس اهم نقطة هي ترتيب المكان يعني وتحتاج فيها الي غرفة تحمي الحلال من البرد في الشتاء وتكون فيها تهويه بسيطه ومظلات من دعون تبرد على الحلال في الصيف .
وحسب انته شو تبا تربي يعني تبا لانتاج الذبايح او للتجارة او هواية والحلال كله خير وبركه لاكن يختلف كل نوع.والافضل الخرفان او اليعد لانهن يتحملن ولا يمرضن كثير مثل الماعز.
وثاني أهم نقطة هي خبرة العامل في الحلال يعني لا تيب واحد ما يفهم ينفد الحلال ويهلكهن دورلك عامل عنده خبره واخيراً الله يوفقك ان شاء الله وانشوفك من كبار المربين.
إنك إتابع الحلال بنفسك دايما
ولا تعتمد على الخديم
دوم تم امر عليه نظف أهنه و شل هذا
لأنه أهم شي النظافه إن كان من
الأرضيه أو المشربيات أو المأكليات
و الله يبارك لك إن شاء الله
و أنا أقول الخرفان زينات
يعني عمر ٣ أو ٤ شهور تحصل فيه لحم
بعكس التيوسه
و ركز على نوع واحد لا تخليهم مخلطات
و الله الموفق
|
المشاركة الأصلية كتبت بواسطة هاوي الندر
 هلا اخويه ومرحبابك في هالمنتدى اللي يجمع المربين للحلال بكافة انواعه وان شاء الله وما بيقصرون الاخوان
بس اهم نقطة هي ترتيب المكان يعني وتحتاج فيها الي غرفة تحمي الحلال من البرد في الشتاء وتكون فيها تهويه بسيطه ومظلات من دعون تبرد على الحلال في الصيف . وحسب انته شو تبا تربي يعني تبا لانتاج الذبايح او للتجارة او هواية والحلال كله خير وبركه لاكن يختلف كل نوع.والافضل الخرفان او اليعد لانهن يتحملن ولا يمرضن كثير مثل الماعز. وثاني أهم نقطة هي خبرة العامل في الحلال يعني لا تيب واحد ما يفهم ينفد الحلال ويهلكهن دورلك عامل عنده خبره واخيراً الله يوفقك ان شاء الله وانشوفك من كبار المربين. |
مرحبابك زود ياخوي والله يوفقنا .. وفيكم الخير ماتقصرون ..
المكان بعده مب مرتب بس ان شاء الله باخذلي قطعه فالمزرعه وبرتبها وبزرعها لأن ماعندي بطاقه فمابقدر اشتري جت .. واللي عند الوالد مايقدر يعطيني لأنه الجت مايكفيه .
والحلال بيكون للتربيه وبس يعني هوايه ومرات ذبايح مب للبيع .. يمكن ابيع بس حاليا مب مخطط لهالشي ^^
وحاليا انا فاضي يعني من الدوام للبيت وبس فبستغل هالفرصه ..
وبخصوص العامل شو رايك اييب باكستاني ؟
وتسلم ياخوي ماقصرت ويعطيك العافيه والله يوفق الجميع ..
|
المشاركة الأصلية كتبت بواسطة ملك الكوشن
أهم شي
إنك إتابع الحلال بنفسك دايما ولا تعتمد على الخديم لأنه أهم شي النظافه إن كان من و الله يبارك لك إن شاء الله و أنا أقول الخرفان زينات و الله الموفق |
مرحبا اخوي ملك الكوشن ..
ان شاء الله ..
بس ماوضحت ياخوي ليش ماخليهم مخلطات ؟ يعني يأثر عليهم ولا عادي ؟
شو الفرق بين الغنم والماعز ونحن شو نسميهم بلهجتنا ..
وذكر الغنم هو نفسه التيس ولا ؟ وانثى الغنم شو اسمها ؟
والخروف شو يسمون الذكر والانثى ؟
والبقر .. ؟
والابل .. ؟
وشو يعني الضأن ؟
اولا عليك بزياره المربين مربين النعيم اولا وثانى مربين النجديه هم اهم حلال تقدر تستفيد منه
وبعد اسال كل واحد بس بقدم لك الرابط هذا لكي تستفيد منه والاخوان عن سبب لماذا اخسر في الحلال؟
http://www.youtube.com/watch?v=7RWvL…eature=related
الله يوفقك دنيا واخر ولاتتردد في اي استفسار
والله هالهوايه وايد جميلة ومسليه
يا أخوي بما انك تريد للتربيه بعد ما ترتب الحظائر والامور كلها
شوفلك السلاله إلي تميل إليها أكثر أو إلي تحبها أكثر يعني مثل النجدي أو النعيمي أو الأغنام الأفريقية أو الشامية أو العمانية إلخ…
وعندما تختار الحلال أختار الحلال الطيب
خسر مره وحده بشراء فحل طيب يحمل مواصفات المطلوبه ولا تشرا صغير وتقول بطعمه لين يكبر ما تدري كيف بيطلع لك
وأختار أمهات طيبات
وحاول لا تكثر في الحلال بالمره أطلع الدرج سلم سلم
في الممارسه ومتابعة هذا المنتدى الجميل راح تشوف نفسك تطور بشكل ملحوظ
وقبل الشراء أسأل المربين أرسللهم على الخاص وما بيقصرون وياك
الأكل له دور كبير في تربية الحيوانات
الأغنام إلي تعطاها تعطيك فلا تقصر معها في الأكل..
والسموحه هذا أهم ما جاء في عقلي الأن وأذا في جديد راح أفيدك في موضوعك بأذن لله…
تحياتي