السلام عليكم ورحمة الله وبركاته
ماهي أخر أخبار زراعة البونيكام ؟
ما نجح معاي للاسف
السلام عليكم
كم درجة ملوحة المياه التي يتحملها البونيكام ؟
اقتباس:
|
المشاركة الأصلية كتبت بواسطة ولد دبي
 ما نجح معاي للاسف
|
يعني كيف ما نجح؟ وضح لنا كيف زرعته؟
البونيكام ما تزرعه بالصيف لان التربه الحاره تحرق البذور …ازرعه في شهر 9-10 او 2 – 4
البونيكام يطلع بسرعه يباله بس اسبوع سقى لاتخلي التربه تجف ومن يطلع خلاص الامور طيبه
من تجربتي وبكل صراحه وامانه ….اشوف البونيكام افضل من الجت والرودس…..تحش اليوم وباجر يطلع …سريع النمو ويدوم لاكثر من 5 سنوات مايحتاي ترزعه مره ثانيه كل 20 يوم حشه وغزير الانتاج وينفع للتسمين وانتاج الحليب.
أضم صوتي لأخوي uae8 بصراحة البونيكام جيد للحلال عندي عزبة صغيرة واستغليت منها مساحة ٢٥٠ متر تقريبا ولله الفضل والمنه الزرع كثيف ٠٠ لا وأزيدك من الشعر بيت خلال سفر العامل للإجازة لمدة أربعة أشهر ماحد اعتنى بالزرع والسقي كان بين الأسبوع او العشر ايام مرة واحده بسبب شح الماي فذيك الأيام لكن النبتة قاومت
السلام عليكم ورحمة الله
أخي العزيز المثنى كم ملوحة المياه في مزرعتك ؟
شكرا
أخوي بوناصر .. ملوحة الماي عندنا 7000 مايكرون
شكرا اخوي المثنى على مشاركتك
ممكن اعرف طريقة الزراعة ؟
متى يكون الحش ؟
كم طول البونيكام أقصى ارتفاع ؟
هل في بداية الزراعة يتحمل ملوحة 7000 ؟