انا عندي فحل نجدي وهادنه على يعدات هنديات لكن اشوف الفحل يطرد ولكنه وانتوا بكرامه ما يركبهم
والله العالم انا سمعت من واحد من الشباب ان النجدي لازم الراعي يساعده على التلقيح
فهل في طريقة معينة لها الشي
وشوركم وهداية الله
بتريا عليه وان شاء الله يعشرن منه
في شي مهم أبغي أشرحلك اياه قبل ما أجاوبك
اليعد النجديات لهن ذيل كبير يسمونه ( كفل ) ، وعملية تلقيح الفحل النجدي لليعد النجديات يتم من خلال ان الفحل يرفع ذيل ( كفل ) النجدية بيده قبل ما يعتليها ، وهذا اللي يسمونه ( النسف )
لذلك تسمع يقولك : الفحل ينسف ولا ما ينسف ؟؟
يعني يقدر يسوي هاي الحركة ولا ما يقدر ؟؟
والطلي الصغير يا إما يشوف الفحول شو تسوي ويتعلم منهن ، أو ان راعي الحلال يعلم الطلي كيف ينسف ، وفي طرق لتعليم الطلي هذا الشي
أما بالنسبة لليعد الهنديات ما لهن ( كفل ) ، وبالتالي ما بيواجه الفحل صعوبة في تلقيحهن ، ويمكن يكون لقحهن وما حد شافه ..
نتمنى أن تكون المعلومة وصلت .. وكذلك نتمنى أنهن يكونن لاقحات ، ويرزقك منهن الرزق الطيب الحلال اللي يسرك
تقبل تحياتي
جرب وخل الراعي يمسك له الشاه وينسفله
ويمكن يكونن لاقحات منه او من غيره فشي طبيعي مابيقرع الغنم ولا بيوقفن له اصلان
هات فحل ثاني اي نوع وشوف النتيجه عن الشكه
تحياتي لك
بس الله يعينهن عند الولاده
لازم الراعي يساعدها ويكون حارس لها
نورتوا فكري بمعلومات طيبة
اخوي الجرجاوي بصراحة عطيتني المعلومات اللي اباها بالتفصيل وتسلم لي
بو احمد انا يودت له كبشه لاني شفته يروغها وعفد عليها فعلا لكن لمدة ثواني وينزل ما اظن انه قرعها
يمكن توه يتعلم او يمارس الفطرة
اخوي مفارق ولايف شكرا على النصيحة ولك الف تحية
اخوي بو راشد الله يبارك لك في حلالك وبصراحة انا كان خاطري اشوف انتاج النجدي من الهنديات كيف بيكون
يا ليت لو تراويني صور للطلي لما يكبر شوي