سؤال عن العلف 2024.

مرحبا اخوي

بالنسبه لي اخلطه مع السبوس للحلال كله

لكن اللي عازلنهن للذباح اعطيهن شعير الصبح والمسا اعطيهن سبوس مخلوط او ذره

لان الاعلاف تسوي ريحه في اللحم

وان شاء الربع بيفيدونك اكثر بحكم خبراتهم الطويله

تحياتي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

كم اعمار الصغار ؟ اذا فوق الشهرين شعير اخوى الكمية المناسبة مثلا 5 كيلو فى خيشة وحطها فى الماء من الليل لين الصبح وعطهن لان الشعير لو كلنة بدون هذى الطريقة ممكن ايطر ابطونهن مجرب اخوى

تسلم ياخوي بوسهيل على المعلومه ..
لكن ابا اعرف اذا العلف يسوي ريحه في اللحم ولا لا ؟؟

سلامي واحتراماتي يالغالي …

بالنسبة للسؤال الأول – هل يصلح العلف للصغار والكبار ؟؟؟
العلف لا يصلح للصغار الرضع … يمكن تعطيهم بعد ما يفطمون .. ويفضل تعطي الصغار علف 21% بروتين.
بالنسبة للذبايح والتسمين ممتاز.. وبدون تحديد كميات (مفتوح 24ساعة)
أفضل طريقة للتغذية انك تتدرج في تغذية العلف الى ان تكون الكمية مفتوحة .

اما بالنسبة الى السؤال الثاني- شو يفضل انك اضيف وياه ؟؟
أفضل شي انك تخلط العلف مع الجت بدون اي اضافات اخرى وحطهن قدامهن 24 ساعة

اما السؤال الثالث – هل يسوي ريحة في اللحم ؟؟
الإجابة وبكل بساطة لا

بالنسبه لسؤالك الاول بروتين 13 لا يصلح بشكل عام لان العلف سابقا كان ذا لون ابيض أما الان يميل للون الاسود مما يؤثر على لون اللحم والعلف ما يسوي ريحه بس يغير لون اللحم.بالنسبه لتجربتي اعطي الصغار سبوس بن سالمين المخلوط ولا يمنع اضافه الشعير

بروتين 13 مناسب للامهات ( نص كيلو للراس- و المداني او المتابيع ثلاثه ارباع الكيلو الى كيلو)
و للمفاطيم و التسمين استخدم بروتين 15% على الاقل(ابتداء بنص كيلو للراس و زيد بالتدريج الى ان توصل الى كيلو للطليان بعمر سنه)
هذا العلف يغنيك عن الشعير و السبوس و الذره
بس لازم انك تعلف و ياه رودس او جت
و طبعا الجت للي تحتهن عيال و للذبايح
بالنسبه للحم ما يأثر العلف لا في لونه و لا في ريحته لكن الكرش يتغير لونها لان العلف المركب
فيه دبس
و سلامتك

كل الاعلاف تسوي ريحه وتغير لون اللحم ولا تعمر بالحلال عليك بالسبوس المخلوط مع ذره وشعير والشعير الحب تودنه في ماي وتخلطه مع السبوس والتمر وتعطيهن العصر والصبح وجبه للذبايح شعير وجت وشوف اللحم كيف لونه وطعمه
الطبيعي غير عن العلف الكيماوي