أخوتي أخواتي في مدونة أغنام الامارات أسعد الله أوقاتكم بكل خير يطيب لي اليوم أن أعرض لكم
طريقة عملية اقتصادية في تغذية الحلال بعيدة عن هدر الطعام وتلفه
وهاي الوجبة الاخير في اليوم فترة العصر فالصبح ياكلون جت مجفف والظهر حشيش ورودس
أول شي براويكم الخلاطة اللي أستخدمها في خلط الطعام وهي خلاطة الاسمنت العادية بس
حجمها صغير وكهربائية وأمامها حوض معدني للتجميع
المكونات شعير وسبوس وتمر وعلف وخبز نعيم جاف وشوية تبن
نبدا نحطهن في الخلاطة وانشغلها وبينما هي تتقلب انرش الماي حتى تلين المكوناات
فالطعام اللين سهل الهضم والبلع بعكس الجاف
اضافة التبن وتبليله بالماء
البدء بتوزيع الطعام
الكل متلذذ بالطعام حتى البقر
آمل أن تكون طريقتي نالت على رضاكم
كتبته وصورته أختكم غبيشة
ما شاء الله عليك يا اخت غبيشة
جدا عجبتني فكرة الخلاط
الله يوفقك
بصراحه انتي خطيييره حيييل
والله يبارك ف حلالج
والله يعطيج الصحه والعافيييه
يامراقبتنا
وتسلم ايدج
|
المشاركة الأصلية كتبت بواسطة راعي الدله
ما شاء الله عليك يا اخت غبيشة |
اعجبتني الافكار الخلاط والمكونات
أكد لنا ان غبيشه الحمدلله حلالها زين
بالتوفيق
استمتعنا بهذا الموضوع
|
المشاركة الأصلية كتبت بواسطة المزيون
ياسلام ياسلام ياسلام
بصراحه انتي خطيييره حيييل والله يبارك ف حلالج والله يعطيج الصحه والعافيييه يامراقبتنا وتسلم ايدج |
بوقت حلو وتقدر تستفيد منهم وهم بصحة وعافية
|
المشاركة الأصلية كتبت بواسطة اصيله
موضوعك مميز بصراحه
اعجبتني الافكار الخلاط والمكونات أكد لنا ان غبيشه الحمدلله حلالها زين بالتوفيق |
حتى عمالج مريحتنهم مب شرات عمالنا كارفينهم كراف
مواضيع مميزه من مراقبه مميزه
انا بصراحه كن ضد فكرة غلط العلف و السبوس مع الماي
لكن يوم وصلت عندكم المزرعه وشفت الحلال ( اللهم صلي على محمد ) تبارك الرحمن
بديت اغير رايي
بجرب الطريقه قريبا و بخبرج بالتطورات ان شاء الله