حقيقه اخواني الكرام بعد اكثر من 20 مره سفر الى مملكه تايلند .ومن كل السفرات اللي انا سافرتها لتايلند رحت لسوق الطيور (ساندى ماركت) سوق الطيور ويسمونه التايلنديه (جاتو جاك) .
طبعا السوق يقع في بانكوك اسمه (ساندى ماركت) (سوق الاحد) (جاتو جاك) نسبه الى المحلات اللي فيه تفتح يوم الاحد كشكل عام . وهو مب بالشرط انه المحلات مسكره طول الاسبوع لا .. اكثر من 5 الاف محل اعتقد في سكيك وحارات ودهاليز وممرات المكان والملحات متراصه مثل كاكين متلاصقه .شي من المحلات مفتوحه ويترزقون الله هناك ومب مسكره لو حد فيكم حب يروح يلقى نظره
طبعا كتنوية اان وجهتي ماكانت تايلند .. ولكن معظم سفراتي لشرق اسيا اول محطاته تكون تايلند . وعقب استقل طيران داخلي للدول المجاورة .
وطبعا كنت ماخذ تذكره (او لاين) لهونج كونج . وصار انه مر علينا تسونامي في يوم رحلتي وقعت بالمطار اكثر من 24 ساعه وغيرت الوجهه الى (بوكيت+ باتوبانغ+نيايانغ) في تايلند نفسها .
وانا من النوع اللي يحب المغامره رغم تحذير الدولة لي بالمسجات بعدم زياره الجزر ولكني قمت بالمغامره وعشت احلى ايامي بالادغال والمطر والغيوم والجبال .وشفت المد التسونامي جدامي والعالم خايفه والحمد الله المثل يقول (خاف من الموت ياتارك الصلاه) ماكنت زايغ .
الحمد لله .مررت الرحله على خيرر كمثيلاتها ..
وكانت لي جولات ايضا بسوق (فيتنام) مناطق هوتشي وهانوي وسايغون قبل سنتين وكان في طيور برخص التراب ولكني ماكنت مهتم بمثل الامور لان اللي كان وياي الله يرحمه يورد كلاب من هناك .
والحين بماجادت فيه تلفوني (بلاك بيري 9700) كصور ولكنها مب كثيره ولان البعض كان يرفض اني اصورة بسوق (جاتو جاك) تايلند .
وهن عباره كم من صورة ربما مايتعدا العشرين وحبيت اني اراويكم اللي موجود ولضغط الوقت صورت خفيف .
مب كل تايلندي لما تقوله (ساندى ماركت) بيفهم ترا ..
فلازم تقول للبعض سوق الحيوانات والطيور بالانجليزي ،
والباقي مايفهم انجليزي بمجرد تقوله (جاتو جاك ماركت) بيرطن وبيضحك وبيوديك ..
سعر التوصيله بالميتر تاكسي 150بات تقريبا توصيله روحه فقط .. لو عالدراجه ياخذ اسرع ويوصلك بدقايق ياخذون 200 بات 
.
ودرهم واحد = 6 الى 8 ونص بات حسب سعر السوق والمحل ..
لكن يروح الساعه 9 الصبح وتبدا تفتح بالتدريج لين المغرب 6 وعقب يسكرون .
يبيعون كل الحيوانات والكلاب والطيور والاسماك .يعني كل شي .
بس المشكله المحلات المفتوحه باقي الايام مب نفس المكان ساعات .لازم تفتر 400 متر عشان تحصل محلين او 3 مفتوحين .
وناهيك عن الباعه واصحاب الفواكه والللي يشوي كعاده اهل تايلند مفتوحين .
وربما شي مختصين اكثر مني في هالمجال من الشباب في المنتدى بيخبرونكم بالمعلومات اكثر .
……………………
المهم زيارتي كانت بتاريخ 10/04/2012 وصلت بانكوك وبعدها ب3ايام لازم اروح هونج كونج .
تاريخ 11 رحنت السووق وصورت لكم .وان شاء الله بالحلقه الثانيه بنزلكم الصووور .
اتمنى ااني افدتكم لو بالقليل من هالسووق وانتظرو مني الصور بعد تنزيلها من التلفون في الحلقه القادمه ..
رغم انه لله الامر ماشفنا مطر هالسنه في البلاد 
ولكن الحمد لله ااني عوضت سفرتي بالمطر والبروق والرعود وعشت ايامي كالافلام الهنديه تشطيح في الجزرر وفي الجوووو .. نتمنى من الله السقايا والغيث وان لايحرم دولتنا من المطر .
ترقبووو وتابعووني بالحلقه القادمه ..واذا الردود تعطي معنوية بكمل .
بن جروان او كما يسوموني (بن بطوطه)
تسلم عالزيااره ..
حمدلله على السلامة
رحلة موفقة بإذن الله
ننتظر الصور لا هنت
وهاي شوية صور ملطوشة مني ومناك لين اتحط صورك
وننتظر منك يا بن جروان الصور الجميله في موضوع منفصل لو تتكرم