الناس اللي تنتج ذبايح ليش ما توحدون اسعاركم ؟ 2024.

لا اوافقك الرأي

وجهة نظر ولازم نحترم رأيك

س سؤال ؟

هل الاكل الذى تطعم به حلالك مدعوم من الحكومة او لا .

انا عن نفسي اشتري الاعلاف من السوق ولا عندي دعم من الحكومه . وتكلفة الذبيحه علشان انتجها تكلف 800 واكثر في السنه .
ممكن اعرف ليش ما توافقني الراي ؟
يعني ترضى ان المربي يخسر وهو دافع من معاشه و من فلوس هله وعياله وهو اللي راغب انه يربح فيهن لكن اللي يشتري يبا بارخص من هاذا السعر يبا على 500 و 600 ليس نتحمل الخساره ؟

كلام سليم يا بو زايد
و استغرب بعض الاخوان الله يهديهم ينتجون ذبايح و ما يبيعونها باقل عن 700 و 800 و اذا حطوا اعلان مطلوب ذبايح محليه يشرطون انه السعر ما يزيد عن 400!!!!!!
المفروض انه سعر الذبايح المحليه ما يقل عن 800 درهم و السبب انه كلفه الانتاج عاليه
لكن توحيد السعر صعب لانه احجام الذبايح تتفاوت و تختلف باختلاف السلاله
يعني التيس العارضي بعمر شهرين اسمن و اكبر عن الصلالي ابو ست شهور

الاخ بالعبد .. السلام عليك ورحمه الله وبركاته

اسمح لي بهذة المداخلة وأرجوا أن لا اطيل عليكم بها .

كشخص من البشر أذا حبيت اشتري ذبيحه للبيت لايمكن اشتريها من السوق والاسباب معروفه وراح اذكر بعضها بإختصار.

1. لا علم لدي عن المواد الكميائية من الابر والمضادات الحيويه التي استخدمت في هذة الذبيحة .

2. لآحظت بنفسي الكلام إلي قلته اخ محمد بأن بعض المربيين الاسيويين يشربون الحلال ماء مصدي ومتروس بعر ولا يتم تغيرة وتعقيمه بشكل دوري!

3. هل هذة الذبيحة كان طعامها تبن ورودس أو شعير وتمر وجت وذرة وأجود أنواع الحشائش!!

واكتفي بذلك مع ان الاسباب كثيرة ويكفي انني لأ أعلم متى كانت آخر ابرة تم تطعيمها بها.

أما لو اتصلت على أحد الاخوة الأمناء وأعني بها الشخص الامين الذي اذا نظرت في وجه عرفت معنى الامانه والاخلاص وطلبت منه ذبيحة وتكون بمواصفات منها عدم تطعيمها بأي مضاد او لقاح منذ 3 اسابيع واكثر وتجاوب معي في طلبي وأحيانا والله الشاهد علي يطلب مني احد الاصدقاء ذباح لبيته واقول له بأن الحلال مرشوش بسم وفترة الامان 3 إلى شهر ولااستطيع غش مسلم او كافر لأن هناك آخرة وحساب والقصد بأنك ممكن تدفع 800 و 900 في شي متأكد من نظافته لأنه راح يكون في بطون أبنائك وأهلك ونفسك فما راح تبخل على شي نظيف بمبلغ مالي أما اذا قصدت الايراني فهو لايتجاوز 250 درهم إلى 300 من الميناء ..

الحمد لله أني عندي اكتفاء ذاتي من اللحوم ومنذ فترة طويله ولله الحمد وأنبه على الاخوة ان يحاولوا ان يعملوا على تربية الحلال والانتاج والاكتفاء الذاتي من اللحوم لأجل بيوتهم واهلهم..

والحذر ثم الحذر من مشترى السوق وإلي ما عندة يدور له على شخص مواطن ويعرف انه آمين ويحاول ان يتفق معاه على سعر ويشترط علية بالشروط إلي وضعتها فوق ومنها خلو الذبيحة من المضادات واللقاحات لانها مضرة جدا وللغايه.

شكرا أستاذي العزيز بالعبد على الموضوع والشي النظيف يستاهل أخوي محمد الثمان والالف بعد..

اوافقك الراي ولكن بعض المعروض اعمار شهرين يعني السعر على حسب العمر يعني من 5 الى 6 شهور السعر 800 اما شهرين اكيد اقل

بدون مجامله كلامك صحيح واسعارك التي وضعتها صحيحه وأوافقك الرأى أنا صارت معي واحد. يسوي عمره يبى يساعد الناس سحب الزباين لشخص يبيع برخيص حتى لو كانت الذبايح ماتسوى بس انها رخيصه.هذا اذا ماكنت تطعم وفي الأخير قدا الله مرضة وماتت.لكن اذا الشخص المربي حاب يساعد عسى الله يثيبه وياجره.والسموحه من الجميع. *

مرحبا .. اشكر اخونا الكبير محمد السويدي ع الموضوع المهم والمميز في نفس الوقت وكلامه صحيح 1000 % الاسعار غالية وكل شي غالى وناااااار والاسيوين رافعين كل شي ولا شي دعم من الحكومة .. وكم بنتحمل التكاليف والمصاريف, ويوم تعرض اعلان في الجرايد ولا المنتديا عن الذبايح بسعر في بالك علشان تغطي الخساير يتصلون فيك يقولولك غالي وايد انته اذا اهل الدار جي يقولون شو خليتو للناس الباقين … وانا صابتني هالحاله وايد وكله يتشكون من الغلا يقولوك هاي الذبيحه جي سعرها ..
علشان جي الناس تروح للرخيص والمريض والله يعلم شو حاله الذبيحه وشو فيها
الله المستعان …