وأسئل مجرب ولا تسئل طبيب بيطري تحياتي للجميع
اخوي الغالي اتحمل تشتري مكينة انا شتريت ثنتين على 1600 الوحده من يقصن اشوي ايحرن ويبتدن يحرقن جلد الشاة ويختربن وسرت اصلح وحدة اختربت من اول مرة ب 500 اونه ماشي عليهن ضمان والمانيات الصنع ويبيعهن محل النوادر اللي في الشارجه واللي فبوظبي
افضل شي مقص ب 25 تركي عند محلات البيطره شكله وهو مفتوح مثل حرف اليو ويوم ايقص يستوي شكله مثل حرف الاكس هذا ايقص قص ولا ايجرح الشاة ويخلصها لك بسرعه
تحياتي لك
تحياتي لك
بخصوص المكائن ولا مره جربتها
كل مسأل عنها يقلوليماتنفع ومشاكلها وايد
عن نفسي استخدم المقص لانه حلال (نعيم)
تقبل تحياتي …
* محمد بالعبد السويدي
* المهيري
*عبيد المزروعي
مشكورين على الردود و المعلومات المفيدة وعساكم على القوة
اولا أشكر اخواني الأعضاء إلي ردوا ع الموضوع
بصراحة انا جربت نوعين من المكائن ولكن ما يحضرني إساميهم لأنهن عند الحلال…….. ولا واحد منهم فيه فائدة لانه الموس حقه إلي عطوني إياه قالولي للخرفان,,, طلع يا ريال مب للخرفان طلع هوش.
المهم بتروح محل البيطري بقولك لا وكذا وكذا ووووووهذي زينه وهذي خاصة للصوف ووووو,,,,وهذا كله خرط في خرط ما يقصن صوفولا شيء بتدفع ع الفاضي ,,,, يقص الشعر لانه الجماعه البيطرة عندنا ما يتاكدون اعتقد من المواد إلي يطلبونه او ما جربوا الشيء بس يشترون ويبيعون علينا.
ها مب يقولك ضمان وعقب ما تشتريه تتفاجأ إنه ما يقص الصوف …أنا قصدي من ها الكلام لنه يوم تشتري المكينه أكد عليه بالكلام وفي الفاتورة إنه إذا ما قص برد عليك وإذا ما عنده الموس الخاص قوله برد المكينه وترد علي الفلوس ومب يقولن برد النصف قوله أباهن كلهن او يقولك إصبر بطلبلك الموس او بشوف الوكيل او اواأو او ……المهم اخوي انت وترتيب عاد مع البيطري
صحيح في مكائن تقص ولكن انا بصراحة لين ألحين ما طحت على أي وحدة وان حاليا في ألمانيا وأبحث عن الهذي المكائن
طولت عليك عاد بالرمسه إسمحلي
بومحمد
* khalfan180
* خالد الزرعوني
مشكورين على الردود و المعلومات المفيدة وجزاكم الله الف خير
قبل كل شي يجب تعليم العامل الطريقه الصحيحه للجز
وطريقة تنضيف المكينه بعد قص كل راس وتزيت المكينه كذلك
ويوجد نوعين من المكاين صناعه سويسريه HEINIGER ويوجد لها قطع غيار
النوع الاول لجز الغنم بالكامل وتكون المكينه كبيره كان سعرها 1900 وحاليا يمكن تكون1500درهم
والنوع الثاني للنجديات ممتازه والتى نستعملها حاليا لقصات المزاينه واسمها delta3 كان سعرها 1550 وحاليا 1200 درهم
وهذه المكاين مجربه وممتازه وتباع عند الميدور لانه والوكيل وامواسها 50 درهم
ولتعليم العمال ان حاضر
وان استعملة النوعين
قبل ماتشتري تعال برويك المكائن وطريقت استعمالهن
تحياتي بوسعيد
احسنلك من اي مكينة
ملاحظة هامة : الوقت غير مناسب ابدا للحلاقة
والحلاقة تكون وقت دخول الحر