السؤال الاول
كيف تميز او تعرف الذكر من الأنثى ؟
السؤال الثاني
شو الأكل المناسب للحمام ؟
السؤال الثالث
كيف تعرف الألوان مثل بلو بار و رديوس ؟
والسموحة
كيف تميز او تعرف الذكر من الأنثى ؟
في اكثر من طريقة و منها
1 اذا عندك زوج و تعرف انه هذا الذكر و هذي النثية شي طيب لانه بساعدك على معرفة الحمام إلي تبغي تعرف انه ذكر ولا انثى
يعني امسك اي حمامة و دخلها بين هذا الزوج طبعا في محكر الزوووج و شوف الذكر اذا بدا يضارب الدخيل ف الدخيل ذكر و اذا بدا بالمغازل يعني الدخيل انثى
2 الطريقة الثانية
امسك الحمامة و حط صبوعك ورى ريولها من جهة الذيل يعني بين الريول و بداية الذيل بتحس انه في عظمتين متباعدات عن بعض تسمح بمرور البيض يعني هذي انثى و انتجت من قبل و اذا ما في فراااغ بالمره يعني هذا ذكر و تأكد من هذي الطريقة بالحمام إلي تعرف انها هذي انثى و هذا ذكر و هذي انثى بعدها ما انتجت عشان تعرف الطريقة
3 و اذا شفت زوج في محكر و الوحده منهم قاعده على البيض من الساعه 10 الصبح لساعة 4 العصر فهذا يكون الذكر إلي قاعد و في غير هذا الوقت بتكون الانثى
و في كذا طريقة بعد بس يبالها ممارسه يعني تقعد و تشوف طبيعة الذكر و طبيعة الانثى في الجسم و في اللمعه و في الصدر و في المعاملة لانه الذكر كله يضارب إلي صوبه و لازم تكون مسافه بينه و بين اي حمامه ثانية اما الانثى لا عاديه و تشرد من اي ضرابة
السؤال الثاني
شو الأكل المناسب للحمام ؟
في حد يحط لهم علف موجود في المحلات و في حد يحط لهم حبوب و في ناس تسوي خلطات على مزاجها و الحمام ما عنده اي مشكله و اهم شي لصحة الحمام انه يطير و ما عليك من اي واحد يخربط من تجربتي مربي كنت اربي في محاكر و اهتم وايد وما ارتحت من الامراض كل يوم شي يطلع لك و الادوية صرت مخصص لها مصروف اول الشهر اما الحين غيرت كل هذا و ربيت في جمعي و كل نوع بروحه و كلهن ازواج بس مافي حمامة سايبه جي في الجمعي و الحمدلله الامور فوق الطيبه
السؤال الثالث
كيف تعرف الألوان مثل بلو بار و رديوس ؟
البلو = هذا اللون وايد في الحمام و بتحصلهن في الشوارع و على البنايات
بار = يعني الخط إلي يكون على الجناح او في الذيل و اوقات يكونون 2 بار على الجناح و في رد بار و وايت بار
الرديوس = هذا جين و يأثر على اللون الاساسي يعني شي بلاك رديوس و اورنج رديوس يعني اللون الاساسي اسود أو اورنج و اذا كان هذا الجين في الحمامه متوارث طبعا بيأثر على الاسود أو الاورنج و بيخليه يختفي يعني يشتغل مثل المساحه للون و ما تعرف هذا الجين في الحمامه إلا من امه و ابوه فيهم ولا .
و أوقات يكون الابو حااامل بس للجين و ما أثر فيه فترجع للزوج إلى طلع منه هالابو
و يبالك فتره لين تتخلى عن هذي الطرق و من النظرة الاولى تعرف انه هذا رديوس ولا و بتوفيج ان شاء الله
و السموحه على القصور و اي سؤال انا حاضر طرشلي على الخاص