كيفه ترقيم صوص النعام 2024.

السلام عليكم ورحمة الله و بركاته
اخواني عندي استفسار
كيف يتم ترقيم صوص النعام و اين يوضع الرقم و ما هو الجهاز المستخدم
شكرا لكم

عاجل عاجل عاجل 2024.

السلام عليكم ورحمة الله وبركاته

إخواني مربي الدواجن أتمنى من الله ثم منكم مساعدتي وأجابتي على بعض الاستشارات اابيطرية التي تخص الدواجن :

1- ماهي الخطوات التي اتبعها من بداية التفقيس ؟ماهي اهم التحصينات للصيصان ؟كيف استخدامها ؟
2- ماهي طرق وقاية الدواجن من الامراض ؟
3- هل اعطاء المضاد والفيتامينات بشكل شهري لجميع الدجاج جيد للوقاية ؟ وكم يوم استخدامهم في الشهر؟
4- هل توجد تحصينات سنوية للدجاج ؟
5- هل استخدام مضاد الكوكسيديا كل شهر او شهرين جيد للوقاية ؟
6- استخدام الفيتامينات بشكل يومي جيد للدجاج؟

اسف على كثرة الأسئلة وان شاء الله في ميزان حسناتكم وشكرا
اتمنا إيجابتي في اسرع وقت ممكن

وعليكم السلام والرحمة أخي الكريم أطلع على الرابط وأن شاء الله بتلقى جميع أستفساراتك .

http://www.uaesheep.com/vb/#?t=55452

مشكور وماقصرت اخوي منصور الظاهري
من اول يوم تفريخ حط ماى وسكر حق الصيصان عقب يوم عطهم ثوم ويوم بصل ومع العلف اخلط حبه البركه دوم هذا احسن من الادويه كلها وفي علف لحم وايد مفيد حق الصيصان والدياي الكبار

استشاره يا اهل الخبره 2024.

السلام عليكم ورحمة الله.

من فترة كان عندنا خروف نجدي حول الاربع اشهر, بدا يكح بقوة وجبتله دوا كحة من الصيدليه البيطريه لمدة 5 ايام, بعد اسبوع الكحة خفت بحد كبير وبعد كمن اسبوع يوم ذبحنا الخروف لقينا الرئة لاصقة في الصدر من داخل وذبلانه ولها ريحه مب زينة. اتخلصنا من الذبيحة بالكامل وما كليناها.
اذا حد يقدر من خبرته ايفيدنا فقط للتعلم .

ودمتم بحفظ الله.

الله يكفينا شر الامراض
انت شكلك ماطعمت عن الرئوي اللي يصيب الماعز دون الضان
هذا موضوع كامل شامل عن الحالة من نشرات جهاز ابوظبي للرقابة الغذائية ارجو ان تستفيد منها
وشكرا
خليجية

خليجية

خليجية

خليجية

خليجية

افيدوني ياهل الخبره 2024.

السلام عليكم ورحمة الله

عندي عنزه عمرها سنتين تقريبا واحتمال تكون حامل من ثلاث شهور

امس انتبهت ان يطلع منها سائل لزج فيه دم

واليوم بعد

مادري شوهو

ممكن اتفيدوني لو سمحتو

اخي الشي اللزج ذلك صمغ الولادة لكن لا يجب ان يكون معه دم لكن انتظر حتى تلد واعطيها حقنة بنسلين في الضرع 5مم لكن اذا ممكن لا تبقى تحلب لها الضرع هذا يؤثر عليه لكن ان ولدت ولم يكن دم في الحليب لا داعي للبنسلين
اخوي هي بعدها ع الولاده باقي لها شهرين تقريبا

والضرع صغير وايد ومافي حليب وهذا اول حمل لها

بس ابا اتاكد هل هذا السائل اللي معاه دم معناته انها بتنزل الجنين؟؟

وفي شي ثاني بعد من بدا الشتاء وهي علطول ترتجف مع اني اموفر لها مكان دافي تقريبا

مافي حد يرد علي؟؟؟!!
اخوي الأحسن انك لا تحلب العنز عطها 2مل فندين و5مل بنسلين لمدة ثلاث ايام وتأكد من ان حرارتها طبيعيه من38-39 وبعد الثلاث أيام اختبر الصرع إذا فيه دم
الدم يطلع من الحيا مب من الضرع

والضرع مافيه حليب ابدا

حتى اني صرت اشك انها مب عشار

ممكن تكون هتجهض وهتنزل ولدها وخاصه انك بتقول انه سائل لزج ومعه دم ولو اجهضت لازم تحللها بروسيلا لان البروسيلا مرض خطير وبينتقل للأنسان والافضل تشوف دكتور بيطرى يكشف عليها ويقولك وضعها اه
مرحبا الطيب ليش تنتظر الردود خذها للدكتور على طول اول بأول أحسن لك علشان تطمن عليها .. وحاول هالفترة تحط لها التمر في الأكل يعوضها نقص السكريات زين لها وللجنين ولو في الماي أحسن وأحسن ..

افيدوني ياهل الخبره 2024.

السلام عليكم ورحمة الله

اخواني ابي نصيحتكم
انا عندي مجموعة عنز في البيت
وكانت عندي عنزه حامل بس عيبها الوحيد ان صوتها وايد عالي ومزعج
وعلطول تصارخ
اتحملناها لين اتربي والحين ولدت وصارت اخس من قبل
وحتى مافيها حليب بالمره
احنا نعطي الصغيره حليب
المهم الحين ابغي ابيعها واخلي الياهل اللي عمرها شهر

عادي ولا بيصير شي في الياهل؟
او اذا في حل حق الصوت؟؟

سامحوني طولت بس انا متأذي وايد والجيران يشتكون منها

انا ماعندي تجربة من قبل
بس ابغي اعرف اذا الياهل بتتضرر بدون امها او لا

إن شاء الله أهل الخبره ما بيقصرون وياك

السلام عليكم ورحمة الله الياهل ما يتضرر اذا يعطي حليب اما صوت ما اتوقع له علاج ولكم جزيل الشكر
مرحبا ياخوي الرئيس
يمكن سبب صوت العنز ( الطراب ) الجوع يمكن العنز ماتحصل قدر كافي من الأكل
أو الوحده يعني مافي ولا راس معاها بالزريبه غير ولدها
………
وبالنسبة لولدها ( الصخل ) لو هو متعود يشرب حليب مرضعه , مافي اي مشكله بهذا الخصوص
تقدر تبيع أمه بأي لحضه

أتمنى إني فداك
تقبل مروري م.هاوي

مشكورين عالردود والمساعده يزاكم الله خير

والله بالنسبه للاكل حدث ولا حرج بس هي ٢٤ ساعه شغاله صراخ
خصوصا بعدما ربت
وهي مب بروحها مع مجموعه

ارجو المساعده بسرعه 2024.

عندي ديايه نوعها باكستاني العمر تقريبا 4 شهور ما دري شو صار فيها وهاي الصور
خليجية

خليجية

اللي عنده الخبره و عنده الحل لهذا المرض لا يتردد في نشره و السلام عليكم و رحمة الله و بركاته

تصلب في اقدام الأغنام 2024.

السلام عليكم ورحمة الله وبركاته

منتدى ممتاز بمعنى الكلمه وبارك الله في جهودكم وتفاعلكم

وكونكم الاغلبية لديها خلفية في تربيه الحيوانات والاهتمام بها

لدي استفسار بخصوص تصلب الاقدام عن الاغنام

فلدينا كبش صغير عمره شهر تقريبا فيه حمى ما يآكل وصايرله تصلب فالأقدام …

فبماذا تنصحونا نشتري له من ادويه وما هو العلاج الامثل لهذه الحمى

وشكرا لكم . .

اتمنى توضح المشكلة اكثر
الشلل في الاطراف الخلفية او الامامية او فيهم جميع
كيف التخريج معه
كم درجة الحرارة

فحل نعيمي ينطح 2024.

ممكن من اهل الخبره الافاده

عندي فحل نعيمي ينطح الحديد وكسر الشبوك.

كان مربوط وفكيته في الحلال وردة له المشكله والحين مربوط لان بيظر نفسه ويظر باقي الحلال
شو الحل يا جماعة الخير
للعلم الفحل يخاف من الناس ولا يقرب من اي حد

بيعة أضحية و اشتري غيرة راعي الطبع ما يودر طبعة
احتمال يكون بسبب دود فالقرن عليك بجرعة سوبر ايفومك امريكي وبعد 10 الى 14 يوم عطه جرعه ثانيه

موت مفاجئ لليدي خلال اقل من 24 ساعة 2024.

مرحبا اخواني

الله يعوض خير
مات عندي يدي مربنه هديد عمره 7 شهور

الضحى ماكل حشيش اخضر
والعصر حصلت عنده اسهال شديد

عطيته حبة عن الامساك ذوبتها ف الماء

والصبح حصلته ميت …

افيدوني جزاكم الله خير
عن الطريقة الصحيحة لعلاج الاسهال

هل الخبره

الي بيتجمل وبيشارك
له الاجر باذن الله , وماهو بخسران

الله يعوضك الي افضل منه
وعموما يازاهي الي اعرفه ان توقف الماي عنه هو علاج الاسهال
واهل الخبره بيفيدوك ان شاء الله
تقبل مروري
اقتباس:
المشاركة الأصلية كتبت بواسطة بوعبداللطيف خليجية
الله يعوضك الي افضل منه
وعموما يازاهي الي اعرفه ان توقف الماي عنه هو علاج الاسهال
واهل الخبره بيفيدوك ان شاء الله
تقبل مروري

آمين
جزاك الله خير بو عبداللطيف
بارك الله لك في مالك وحلالك

الله يعوضك خير عنه
على حسب خبرتي كان المفروض ما تعطيه حبة الإمساك على طول تنتظر الى ثاني يوم بحيث اذا فيه شي في بطنه بيطلع وثاني يوم تعطيه شاي لوقف الإسهال

اقتباس:
المشاركة الأصلية كتبت بواسطة ابوسلومي خليجية
الله يعوضك خير عنه
على حسب خبرتي كان المفروض ما تعطيه حبة الإمساك على طول تنتظر الى ثاني يوم بحيث اذا فيه شي في بطنه بيطلع وثاني يوم تعطيه شاي لوقف الإسهال

جزاك الله خير
بو سلومي

تسلم بارك الله لك ف مالك وحلالك
معلومة طيبة

وكذلك حد قالي الكستر المحلبية حلو حق البطن
[/size]

نقص الحليب في اليعد 2024.

السلام عليكم ورحمة الله وبركاته
افيدونا يا اهل الخبرة
اليعد اللي عندي ما يدرن حليب يكفي عيالهن افيدونا وجزاكم الله خير .

فيه علف ينباع لزيادة الحليب
والحلبه بعد زينه
وسمعت انه الطحين يخلط مع السبوس يزيد الحليب
عطهم جت اخضر وان شاء الله الامور بتكون طيبة