السـلام عليكم ..
شلونكم إخواني .. ربكم إلا بخيـر وسهاله .. ييتلكم اليوم من يديد في أول تجربه لي في تربية الأرانب .. وطبعا كلهم أرنبين يعني لحد يضحك علي 
وكان الأرنب الأول هديه من ربيعتي لأني ما أحب أربي الحيوانات أخاف يموتوا عندي وآخذ ذنبهم .. وفوق هاه يعورون قلبي لو ماتوا !
فخبرتني ربيعتي أييب أرنب ثاني ..وكانت بعـد فكرة من إستشرتهم ولهم خبره في هالمجال أخوي [ المزيون+أخوي سيد الأرانب ] فأحب أقولهم مشكورين والله يعطيكم العافيه
وبالمناسبه ترا مات الأرنب إللي يبته وشريت غيره ومات والأولي هرب طلع من البيت وما أدري وين سار !
وهاييلا إللي ظلوا إثنين ذكر وأنثى .. ففكرت اسولهم قفص لين إهتديت لهالتصميم البسيط ..
وترا سويته عالسريع عشان ما يشردوا الارانب ..
ولقيت مشربيه أخوي كان يستخدمه للحمام ماله فحطيتها لهم ..
وسلبياته
بإنه عالي وايد من الداخل المفروض كنت أصغره شوي لأن هالقفص ينفع لـ 3 طوابق فوق بعض ..
وإيجابياته
بإن القفص الداخلي الخشب البليوت ينفتح من فوق للمتابعه ..
لكن هم هاه أعتبره سلبي وإيجابي بنفس الوقت لأنه قفص داخل قفص!
ما اكثر عليكم .. شوفوا الصور ونبي السلبيات قبل الإيجابيات وضحكوا عادي
أأكلهـم .. ( خـس -جت فريش – حب هريس – شعير – جزر )
وكل فتره أحطلهم بالماي مضاد حيوي باودر ( أنتي بايوتيك )..
صـور لتجهيز القفص + المشربيه
إحترامي للجميـع
إختكم ولايـف
وعليكم السلام ورحمة الله وبركاته
بخير يسرج حالنا
وافا علييييييييج وهذا واجب كل واحد ف المنتدي
بس ولا علييييييج امر ياليت لو تراجعي الصور مره ثانيه
لانهن ما طلعن عندي
الصوره طلعت عندي
بس عندي استفسار
كيف يطلعون لفوق الحضانه ؟؟
و وين حاطتنهم ؟ هل في مكان مفتوح ؟ او في مكان في تييكيف ؟؟
هلا بأخوي المزيون .. رديت حملتهن من مركز تحميل غيره والصور ظهرن
وهاي صورة الأرنب إللي شـرد وكان هديه من ربيعتي ..
كان نادر صراحه وهادي وعايبني حييل خساره ..
اقتباس:
المشاركة الأصلية كتبت بواسطة abuoumar  الصوره طلعت عندي
بس عندي استفسار
كيف يطلعون لفوق الحضانه ؟؟
و وين حاطتنهم ؟ هل في مكان مفتوح ؟ او في مكان في تييكيف ؟؟
|
هلا أخوي بو عمر .. أنا ما سويتلهم مكان للحضانه .. هاي أول تجربه لي ومسويتلهم بيت يقعدون فيه .. وحاطه القفص تحت عريشه مظلله بالكامل مخصصه للدياي والحمام .. ماشي مكيفات ومرات أطلعهن يتمشن وعقب أردهن للقفص .. وأنا فارشته لهم من داخل بالرمل الناعم و واايد مرتاحين فيه من يبون يرقدون وإلا إيي الليل يدشون داخل علطول أتمنى إني أكون قدرت أفيدك
نصيحه
بعديهم عن الدياي و الحمام
افا كيف شرد بس الله بيعوضج خييييييييير
وبصراحه فكره جميله وطلعتي مب هينه ياولايف ولا بعد تقولي اول تجربه وجيييييييه وين عيل لو عندج خبره وما شاء الله علييييييج
بس هو اهم شي انج تطلعينهن بر شويه يتمشن وبيرجعن
وانا من نفس راي اخويه بو عمر ابعدييييهم قد ما تروومي عن الطيووووور
وانا نفس الحركه مسونها عندي ف العزبه والحمدلله الانتاج عندي 60 ارنب ولكن تحتهن مسوي باسمنت مشان ما يحفرن ولكن وقت الحراره
ياليت لو يكون اشجار موجوده مشان تسقيها ظهر وبتشوفيهن بيقعدا فوق الماي وان شاء الله بيعدي الصيف من دوووووون اضرار
وياليت لو تخفي عليييييهن من الخضروات ويكون الاكل رئيسي جت يابس وشعير وحشيش يابس وبين فتره وثانيه يكون فيه خضراوات وبتوفيق
والله يوفقج يااختي الكريمه
اختي ولايف القفص واايد صغير على الاراانب اذا تبين اتخليهم حق الانتاج الاراانب اتحب مكان وسيع عشان تلعب وتركض
واذا انتي مخليه قفص مؤقت الين اتجهزين مكان اكبر فلا باااس،وياليت دوم اتغيرين الرمل اللي في قفص عشان مااا تمرض اراانبج لان فضلات الاررانب مااتتسرب والخشب يمنع تسرب فضلات الارانب
هلابك مره ثانيه أخوي بوعمر .. وهم موب مع الدياي بنفس القفص .. هم بقفص بروحهم .. وشاكره نصيحتك أخوي وفالك طيب
موفقـه بآذن الله ..
يعطيج العافيه ..
