أولاً يشهد الله بأننا لن نقول إلى ما يمليه علينا ضميرنا
وتأكدوا بأننا سوف نسأل عن أي كلمة ننطق بها أما رب البرية سبحانه وتعالي ..
أخواننا راح تكون تعليقاتنا على كل صورة مرفقة
على حسب المعروض من قبل المشتركين
وأنتم من سيقرر من الذي حلاله طيب
وذلك من خلال تعليقاتنا على الصور
والله يوفق الجميع
المتسابق الأول
الحلال عامة طيب ولكن الزين ما يكمل
التيس الأول خصم بكل ما تعني كلمة خصم ولكن يعيب عليه صغر رأسه
أو أن الصورة ظلمته ولون شعرته فيه حمار شوى
العنز طيبها وما عليها أي ملاحظات الله يبارك لصاحبها ويرزقه منها بإنتاج طيب
الإنتاج خصم وأم الجفره عيبها صغر رأسها ولكن الفحل يعوض النواقص لو رأسه كب
********************
الحلال عامة طيب ولكن الزين ما يكمل
التيس طيب ولكن يعيب عليه جنبه شوى ولون شعرته أو أن هذا سببه نقص فيتامين
العنز الأولي عاديه وطيبه مشربها حلو يعيب عليها صغر رأسها أو الصورة ظلمتها
العنز الثانية خصم الله يبارك لراعيها عيبها جنبها ما هناك جنب
الإنتاج الصورة غير واضحة ولكن وضح منها طيب المشرب والخد والرأس والأذن
نرجو أن نكون وفقنا في تقييمنا للحلال
وإذا كان هناك تقصير منا فهذا لأن بعض الصور للأسف تهضم الحلال وما تعطيك الشكل الحقيقي
متمنين لكم دوام التوفيق والله يبارك لكم في حلالكم ومالكم ..
راضي كل الرضا
مع تحفظ بسيط جدا ع قرار اللجنه بخصوص العنز الاولى
إلا انه ليس بو سعي إلا أن أقدم شكرى وامتناني لكم يا اعضاء اللجنه الكريمه .. وانا اشهد ان اخونا مبارك حط من هو راعيها وسمها
أكرر شكري وامتناني لكم مرة أخرى
وعساكم ع القوة
أخوكم ساري الشامسي
الي يرغب في التقييم يرسل الصور للمدير او نائبه وعقب تنعرض على اللجنه وبعدها يصدر التقيييم مع عرض الصور وصاحبها يعرف عن نفسه وقتها
هذا ليس تشكيك في ذمة احد او اللجنه
لكن حتى تكون اللجنه بعيد عن الشبهات حتى لو احد شكك في نزاهتها مستقبلا ما يكون عنده اي مدخل للتشكيك
وتسري على كل العروووض سواء عارضي نجدي نعيمي
حتى اللجنه ما تعرف منو صاحب الحلال غير المدير فقط او نائب المدير
وهذا اقتراح للمصلحه العامه
على سبيل المثال العنز الثانيه للاخ ساري لم تكن ظمن المسابقه انما كانت تحت عنوان عرض جديد ولا اعلم لماذا تم اتحكيم عليها اضافة على قصر الجنب كما ذكرت اللجنه لم يتم الالتفات لدق الفراسن عموما هي خارج المسابقه.
و احب اضيف ايضا بأن اللجنة فاتها بأن فحل الاخ ساري شعرته لبده ولا فيه جرم وجبار ولم يذكر هذا الشي ولكن الاخطاء جائزه عموما ذكرتوا بأن جنبه قصير وفي هاذي كفيتوا و وفيتوا
الجفرا وامها عندي وانا صاحبه يا لجنة التحكيم
مبروك على الميداليه الذهبيه واحتفاظي بلقب عميد العوارض وهاوي الامارات الاول
واضافه اخيره للاخ ساري سبيت وغلطت وقلت في للكتيفيات والمرددات ورجعت تعرض فحل منهن تناقض غريب رأيته فيك ولا تزعل انما كلمة حق وتنقال المهم زين انك عرفت انه ما لك غيرهن لا جيت تعرض فحول.
سمعت اللجنه شو قالت الخصم عندي من فحل ومعزا وام فحول والطيب عندك ويا طيب القلب وينك.
تحياتي للجنه وللجميع ومن حقي افرح على ما اظن
بالنسبه للشعره يا لجنة التحكيم يختلف لون العارضيه من انجيبها الامارات خلال اشهور تقلب حمرا اعتقد من الرطوبه والا الفيتمينات مب مفصرين. مثل لما الامير نقل بعض الحلال جده وقلب حمر لكن نجد في نص الصحرا ما فيها رطوبه مما يساعد العارضيه على احتفاظ لونها
لكن ال….. حم.. ولو ربطه ع القصر
مبروك المخلفات يا أرنب
العنزة الثانية داخله ف المسابقه انت طلبت صورة لام الانتاج
وبعدين انت عارض معزتين وفحل وانتاج … وكان واجب علي اعرض نفس العدد والنوع
اولا شي فحلك ظبيان
ما أدري كيف خصم … مع ان اللجنه أقرت بعيوبه وهو صغر الراس مع ان الراس اهم شي في الفحل او المعزة او غيره ومن الاساسيات … فكيف صار خصم !!!!!!!!!!!!!!!!!!!!!!!!!!!!!!!!! لا تعليق
ام الانتاج … راسها صغير واقرت اللجنه … وازيد عليه جرمها صغير وفراسنها فيهن دق ..وعظة راسنها شينه
واللجنه ووفت وعذربت راسه .. فيكفيها كلمة "" طيبة "" ارضاءاً لك
شو بقالك خصم
االجفرة … الي عنده نظر يشوف راسها الازقم
وهذا طبيعي امها راسها صغير (حسب كلام اللجنه) وابوها راسه صغير ( حسب كلام اللجنه) كذلك فطبيعي الانتاج كذلك يجيك راسه صغير … ولا انا غلطان يالربع….
النتيجه خصمه عندي وخصمه عندك مع اني استغرب كيف صارت خصم وراسها صغير وهو من اهم صفات الخصم
المهم ……
لا تفرح واتعلم وشوف الزين
|
المشاركة الأصلية كتبت بواسطة محمد بالعبد السويدي
 المهم انا الفايز وجذاب ونصاب وتتلاعب بالكلام وانا مسمنك الثرثار اصلن كاتب عرض جديد ولم تذكر انها ام الانتاج مع انه اللجنه قالت يجب ذكر ماهو معروض للمسابقه روح البس بامبرس والا العب ويا بارني احسن لك ا واستح على ويهك ضحكت العالم عليك واذا هذا انتاجها خلنا انتعشابه ذبيحه بخمس اميه ولا ترجي منه خير واسمحلي اخوي حسن نسيت كلامك لكن هاذا ما يتوب حلب عوي
|
لا تعليق وارجوا منك الالتزام بقرار اللجنه ونتيجتها