وماعندنا طباخ ف استعنت بامساعدة هاتفية ….والنتيجة لاباس اتمنى من الخبراء يفيدونا بالاخطاء
واذا في شي احسن …
نقطع البصل والثوم والطماط والبطاطا حسب الرغبة بالنسبة لي كان الطماط قليل والبطاطا زيادة 
بعدين ندق الثوم بالهوان ونقطع الخضراء
نطلع الدياي ونخليه يدفى و نبهره عقب ببزار ونخليه على جنب ونبدا نقلي البصل والثوم ونضيف
له الدياي بعد ماتنضى الخضراء ونحمسها شوي لين مانحس انه استوت تقريبا نظيف لها ماي
اما بالنسبة للومي اليابس في حد يحبه في الاخير عشان ماياثر في الطعم زيادة عن اللزوم
نضيف الماي حسب كل واحد طريقة العيش الي يفضلها يكون ناشف ولا لا بالنسبه لي كان العيش مثل مايقولون لبادي (فيه ماي زيادة )
ونحركهم شوي عشان مايحترقون وفي النهاية والختام تفضلو الصورة
وهاذي تجربة ثانية كانت اضبط في العزبة وزايدين فيها البقدونس بناء على طلب الجمهور الكريم
تقبل ارق واعذب تحياتي
دمت بحفظ الله
|
المشاركة الأصلية كتبت بواسطة pink rose
 ما شاء الله عليك ….تسلم يمينك المجبوس شكله وايد حلو واكيد الطعم احلى…..عليك بالعافيه…….بس حاول اجربه مره ثانيه من غير بطاطا
تقبل ارق واعذب تحياتي دمت بحفظ الله |
هههه الله يسلمج المشكلة البطاطا عندي ادمان مع كل شي ….
وش هاي الطبخه وش هالزين
وش رايك نفتح مطعم متخصص
بالرز المكبوس
طباخ وشيي يفتح النفس
بدل البقدونس حط الكزبره طعم احلى
وتسلم ايدك
لا هنت
واو احلى غدا
مجبوس دياي على البحر
شكرًا على المشاركه
تحياتي لك