أخواني أعضاء منتدى أغنام الامارات
تحيه طيبة وبعد ،،
1- كيفية أستخدام العلف ، عندي الرعاي يخلط النوعين بالماء ويقدمه للحلال لانه على كلام الرعاي يقول انه الحلال مايقدر ياكله ؟ هل اخليه يستمر بهاذي الطريقه أو اخليه يقدمه ناشف قصدي كبسولات ؟
2- سمعة من ريال على كلامه انه طعم اللحم يتغير على كلامه ويقوال انه الدابه الي تاكل منه تصن ولحمها هب زين ؟
اتمنى من الجميع أبداء الرى لانه صراحه مره ذبحت نعيمي حق البيت عمره شعرين ونص وقالولى الاهل انه مش نفس الاول ذبايحك من حيث طعم اللحم ؟
وانا بعد أنكرته العلف من السعر صراحه هوه يشجع للشرى بس أذا انه مب زين للحلال اتمنى النصيحه منكم ومع جزيل الشكر لكل من بيبدي رايه 
يستحسن بل الافضل عزل الذبايح بروحهن وأطعامهن الجت والشعير والتمر والحشائش بجميع أنواعها والبعد عن الخبز وخضروات البيت والعلف المركز وما شابهة اذا اردت المذاق الطيب للحم…
و يمكن يسبب لحلالك امراض و اسهالات انت في غنى عنها
بالنسبه للذبايح تقدر انك تعزلهن و تطعمهن جت و شعير و سبوس
لكني و عن تجربه ما شفت فرق في طعم او لون او ريحه لحم الذبايح