اشحالكم اخواني ؟
بعد فترة غياب طويلة تجاوزت اكثر من سنة , اكتب موضوعي هذا وكلي امل فيكم انكم اتفيدوني وتساعدوني على حسب معرفتكم وخبراتكم , بحثت في الانترنت بس حسيت الموضوع معقد والظروف البيئية تختلف من دولة إلى أخرى ، بعد المقدمة الطويلة اطرح عليكم موضوعي :
الحمدلله بديت مع واحد من الربع بتربية وانتاج الارانب عن طريق البطاريات , الحمدلله الجو مثل ما تعرفون كان مناسب ومع الايام الياية بندخل شوي شوي الصيف والارانب ما اعتقد بيتحملون الحرارة لانهم من الحين حرانيين ماشاء الله عليهم ، من خلال هالموضوع بغيت اعرف شو الانسب لهم مع العلم ان البطاريات في قفص عادي مقاس 6( في 4 )مسكر من فوق بكيربي وحاطين على جوانب القفص طربال نفتحه مثل الستارة , الخيارات التي امامنا :
1- مروحة عادية اللي اتكون مع عمود .
2_ مكيف صحراوي اللي يكون مع الماي .
اتمنى الافادة من خلال تجاربكم ومعرفتكم واقتراح الانسب من الخيارات واذا في اقتراحات ثانية
والسموحة على الاطالة
في أوقات الذروة من الساعة 10 الصبح لين 6 العصر
أشغل ألهن المكيف الصحراوي و بالتناوب مع المروحة
و الحمد الله الأمور طيبه
|
المشاركة الأصلية كتبت بواسطة ملك الكوشن
 عني أنا
في أوقات الذروة من الساعة 10 الصبح لين 6 العصر أشغل ألهن المكيف الصحراوي و بالتناوب مع المروحة و الحمد الله الأمور طيبه |
تسلم على مرورك نورت الموضوع , يعني اشتري الاثنين واشغل المكيف من 10 لين 6 العصر والمروحة لين متى وهل مروحة الرذاذ تنفع بدلا من المكيف الصحراوي ؟
شو نوع المكيف الصحراوي وعلى كم سعره ، حصلت في السوق الصيني مع ضمان سنتين ب 850 درهم بس ابا شي مجرب لأني محتار ومروحة الرذاذ اعتقد ب 350 درهم مع 6 شهور ضمان .
بخصوص الارانب هذا يعود على إعتيادهم السابق …. مثال … الأرانب أللي عندي في كل صيف أستخدم المروحة مع الرذاذ بالإضافة رش القليل من الماي على الأرضية .. ولله الحمد الأمور طيبة …
|
المشاركة الأصلية كتبت بواسطة منصور الظاهري
وعليكم السلام والرحمة أخي الكريم
بخصوص الارانب هذا يعود على إعتيادهم السابق …. مثال … الأرانب أللي عندي في كل صيف أستخدم المروحة مع الرذاذ بالإضافة رش القليل من الماي على الأرضية .. ولله الحمد الأمور طيبة … |
نورت الموضوع بمرورك وتفاعلك , الارانب اللي عندي في البطاريات مب انتاج حفر
و غطع الغيار متوفره في حال إخترب شي
و مروحة الرذاذ وايد ما ينصحون فيها
و غاليه و تخترب بسرعه
1- شفت عند بعض الشباب المكيف الصحراوي مسوينه للكوشن والبراهما وما شا الله كانك في اوروبا هههه لكن الاهم تحط قدام المكيف طربال (شيد) أخضر عشان تتجنب تيار الهوا اللي ممكن يضرهن.
2- بالنسبة للرذاذ جربته بالنسبة للحلال ودجاج ممتاز جدا في الصيف وأرخص بكثير من ناحية التكلفة، لكن هل الأرانب يتحملون الرطوية!!!
والاهم من هذا نوع الأرانب هل هي من الانواع اللي تتحمل الحر ولا من الانواع شديدة الحساسية للحر
وسلامتك الغالي
|
المشاركة الأصلية كتبت بواسطة ملك الكوشن
أهم شي في المكيف إن يكون عليه ضمان
و غطع الغيار متوفره في حال إخترب شي و مروحة الرذاذ وايد ما ينصحون فيها |
تسلم على مرورك وعلى معلوماتك الطيبة
|
المشاركة الأصلية كتبت بواسطة uae488
مرحبابك اخوي سكوب ونورت المنتدى بعد غيبتك الطويلة
1- شفت عند بعض الشباب المكيف الصحراوي مسوينه للكوشن والبراهما وما شا الله كانك في اوروبا هههه لكن الاهم تحط قدام المكيف طربال (شيد) أخضر عشان تتجنب تيار الهوا اللي ممكن يضرهن. 2- بالنسبة للرذاذ جربته بالنسبة للحلال ودجاج ممتاز جدا في الصيف وأرخص بكثير من ناحية التكلفة، لكن هل الأرانب يتحملون الرطوية!!! والاهم من هذا نوع الأرانب هل هي من الانواع اللي تتحمل الحر ولا من الانواع شديدة الحساسية للحر وسلامتك الغالي |
مرحبا فيك بو عبدالله ، المنتدى منور بتواجدكم
بالنسبة للرطوبة ماعرف في اللي يقول اتضرهم وفي اللي عادي ، بعد البحث وجدت ان بعض مربين الارانب يستخدمون مراوح الرذاذ ورش الارضية بالماي .، الارانب هولندية ولكن انتاج محلي حسب تجارب بعض الاخوان قالولي اهم شي تبريد الجو فترة الظهر وإن شاء الله خير .