ولا اسهل من الاكل بعد الان 2024.

اخواني انا الصراحه مليت من كثر ما اعطي الاكل حق الفري بالاخص لانه ياكل وايد و اعطيه في اليوم مرتين و ثلاث و مو مكفي ف صحيت يوم و كان المزاج صافي و قولت لازم الاقي حل و الحمد لله ربنا وفقني في حل جميل و حبيت اعرضه ليكم بالصور يمكن حد يستفيد من وراه عالعموم الطريقة ما تكلف ابدا و انا كل اللي استعملته محصله من البيت ( خردة يعني ) .

اترككم مع الصور

اولا المواد المستعمله .. ماسوره بلاستيكيه طولها حوالي متر ونص و طبق الاكل الاوتوماتيك متوفر عند الكل تقريبا ..

ومن ثم قمت بوضع نهاية الطبق البلاستيكي الخاص بالاكل في فوهة الماسوره مما زاد من طول العمود التخزين للاكل و طبعا ما بحتاج اني امللا الطبق كل ساعه

طبعا للتاكد من التصاقهم ببعض نضع سوبر جلو و لكن انا حبيت اتركه حتي لا يكون عقبه اذا اردت ان اقوم بفكه في اي يوم و ما تقلقو الاجزاء متماسكه جيدا نظرا للشكل المخروطي المصممه عليه الطبق البلاستيكي .

طبعا بعد ما انتهيت قمت بملا الماسوره بالعلف اللزيز

و ما راح تتوقعون الكميه اللي اخذتها الماسوره هذي اليونيه كانت ممتلاة تقريبا شوفو كم بقى منها ….

ومن بعد ما انتهيت وقعت في مشكله و لازم تاخذون بالكم منها اني ما قدرت اشيل الماسوره بطبق الاكل لانه فيها وزن غير متوقع و طبعا فكيتها و رجعت ركبتها مره ثانيه عند الحلال