لوحظ في الفترة الاخيرة كثرة الغش في الاعلاف
وبخاصة الاعلاف المخلوطة (سبوس وشعير وذرة )
وللاسف حصلت حالات نفوق للحلال عند كثير من المربين
وللاسف مازال الموضوع كيد الكتمان ولم تتولى اي جهة التصدي للغش
لذلك وجب التنبيه على الاعضاء وخاصة في الامارات الشمالية
واللي يستوردون علفهم من سوق القصيص لانه الغش عالمكشوف
خلط الاعلاف بدون اي رقابة وبدون اي معايير لمتطلبات البهيمة
وللاسف تعبأ في اكياس وجواني المصانع المعروفة
مثل ابوظبي والشارقة وعيني عينك جدام كل الناس
اخوي هو الغش بالاعلاف بس
خله على الله…ما خفيه أعظم
تسلم على حرصك
والله ياخوي الغش بكل مكان وبشتى الطرق
عن نفسي أخذ سبوس أبوظبي من سوق العين للأعلاف
والحمدالله العلف طيب
الله يجيركم
وخاصة في الجواني البرتقالية اللي في سوق القصيص وهي توزع في الامارات كلها …..
وفي جواني وزنها 50 كيلو ولكن وزنها الأصلي 46أو 47 كيلو وأقل بعد .
وفي جواني وزنها 30 كيلو ولكن وزنها الأصلي 22،24 كيلو .
واللي يبغي يتأكد يوزن الجونية .؟؟؟؟؟؟؟؟
والجواني البرتقالية نوعين :
نوع برتقالي اللون كامل ويقولك البائع هذه مال دبي .
نوع برتقالي وفيه خط من الجانب ويقولك البائع هذه مال الشارقة .
وهم عندهم الجواني هذه ويعبونها وكان المنظر أمامي ( يفرغ ثلاث جواني سبوس وجونية شعير ويخلطهم بالشيول )
وهذا كله من الواقع ومشهد جدام عيني ….
واللي يبغي يشتري ياخذه سبوس الشركات المعروفة
اقول الربع حبيت اعرفكم عنفسي طلال الرواحي من سلطنة عمان عندي حلال طيب واذا تعرفو حد يبي حلال من عمان ترانا جاهزين ولكم الذي يرضيكم وهذي ارقام تلفوناتي وايميلي لتواصل
0096897623333
[email protected]
