السلام عليكم ورحمة الله وبركاته
في موضوع شاغل بالي لما يوصل الحلال لسن معين ويصبح غير قادر على العطاء وإذا حاول أنجب
الانتاج التعبان العليل اللي من نسمه يطير 
السؤال ماذا نفعل به ؟ إن تركناه أنجب وإن تخلصنا منه مات وإن بعناه للقصاب غمضنا رفيق دربنا
مثلا هالعنز الغرابية تبارك الله كبيرة في السن ولازالت تنجب 
ويوم أشوف حالتها أتألم فيا ترى شو يقول حالها ؟
ربي يبارك لك في مالك وحلالك
إن شاء الله أهل الخبره ما بيقصرون وياك
|
المشاركة الأصلية كتبت بواسطة الامارات
 الله يحييج يأم عبدالله ، أفضل مكافأة لنهاية الخدمة انه تفجين راسها في أقرب سيح وتعطينها حريتها المحروومه منها من زمان
|
جزاك الله خير اخوي الامارات
على النصيحه الطيبه
ودومك سباق للخير
وانا اضم صوتي معاك
والله يبارك لكم في مالكم وحلالكم
تحية طيبة وبعد
من خبرتي المتواضعة في حلال الدار اقدر اقول ان افضل انتاج الماعز يكون في الاعمار الكبيرة من 6 الى 8 سنوات
حيث ان الانتاج يشبه الام اكثر شي من ناحية الانتاجية والصفات الجسمانية .. وانتاج التوائم يكون اعلى في العمر الكبير.. وانتاجها يعمر اكثر ..ونسبة الموت المفاجىء للمواليد تقل…عكس لما تنتج في عمر صغير تكون حالتها الصحية افضل لكن الانتاج مايشبه الام الا من ناحية اللون فقط..طبعاً كل هذا شرط ان الفحل اللي اتيب منه الانتاج حالته الصحية والجينية تكون ممتازه ويمتاز بالضخامة..
عكس الفحل..لان الفحل في الاعمار الكبيرة يتدنى مستوى الانتاج عنده و تطلع في المواليد عيوب خلقية…
وشكراً
الله يبارك لك بحلالك
الله من علي من فضله وكان عندي بعض العنز اللي كملن ال 12 سنة تحت الخدمة لين ماحت الشعر و طاحن الضروس وبات أكلهن ضعيف ولكن ماطاوعني قلبي ان أفكهن في السيح وتكون عرضة للكلاب الضارية او الموت بسبب الجوع و العطش و لا هانت علي أبيعها لا للقصاب او التاجر . وسألت الله فيهن الأجر لين ما ياخذهم .
مجرد وجهة نظر أرجو ان تتقبليها
يااسلام ياسلام ياسلام
عليييج يااختي ام عبدالله كل يووم نتعلم منج ما هوو جديد وقيم
وتسلم ايدج يااختي ع المواضيع المميزه وهذا مب غريب عنج ياختي
وانا ما اتفق مع اخواني بان يتم تركها ف سيح لانه اكبر ظلم لها وحتي لا تسبب ضرر لغيرها عند موتها
ومن وجهة نظري شخصيه بان تترك ف مكان داخل العزبه وتكوون مدلعه اخر دلع
وهذا الحاصل عندي ف العزبه ولين ياخذ الله امانتها
وسموووحه ع الاطاله