بعد طول غيب نعود لكم بباقه معطره من الورد لاخواني الافاضل
حبيت اتكلم اليون عن موضوع الهدد و تركيب المعزا الصلاليه مع شرح توضيحي للأخوان
اتمنى الكل يبدي رأيه و ان شاء الله الكل بيستفيد
اخواني متى تفضلون هدد الفحول على المعزا ؟؟
و في ايام العزل ما هي افضل فيتامينا تعطى لاحماء الافحل و العنز ؟؟
فيدو و استفيدو 
1- يجب ان تكون المعزا بصحه جيده و ضعيفه (اي معتدلة الضعف) . لان الشحم يمنع الحمل بالصلاليات بالذات . مما يكون طبقه شحميه على الرحم تنمنع وصول الحيوانات المنويه للبويضات
2- الفيتامينت المتنوعه :
أ- فيتامينات بارده مثل فيتامين سي (في الصيف)
ب- فيتامينات حاره مع بروتين (في الشتاء)
3- فيتامين الاحماء يعطي 7 ايام كل اسبوعين (vitamin e selenium) يعطي للحلال بالماء و للأفحل بالابر لضمان مفعول الفيتامين و احماء الافحل و جهوزيتهم للموسم و للحصول على اكبر نسبة تلقيح طبيعيه
4- قص اضافر المعزا و الافحل قبل التركيب و هذه اهم نقطه . لأن الاضلاف تعيق حركة العنز و التيس
5
-الاملاح و الحرص على وجودها بشكل مستمر مع العلف او (حجر الملح المعلق) لتعويض نقص الاملاح بالصيف
بالنسبه لي هذه اهم نقاط . و اتمنى اني اشوف رأي الاخوان لنستفيد من خبرات المربين
و الله ولي التوفيق
ويا مرحبا بك مليوووون
ومن طول الغيبات جاب الغنايم
انا عن نفسي اهد الفحول من 15/3 حتى 15/5
انا من باب تجربتي اتجنب ان يتزامن موعد ولادة الماعز مع الفترة اللي يتغير فيها الجو
يعني اسوأ فترة للولادة هي شهر تسعة و شهر عشرة
لان الصبح و الظهر يكون الجو حار و في الليل بارد
فقدت احسن الحلال اللي عندي لانهن ولدن في هالفترات من السنة
تكون المعزة تعبانة من الولادة و مناعتها مب لهناك و الجو المتقلب هذا يسوي لها نوع من الحمى و ما تاكل و عقبها بيومين ثلاثة تموت،،و اتمنى حد يدلني على العلاج لمثل هالحالة اذا كان يعرف العلاج..
احسن موعد للولادة هي في عز الصيف من شهر 6 الى شهر 8
او في اواخر الشتا الى بداية الربيع من شهر 2 الى شهر 4
يعني تهد الفحل من شهر 9 لين 12 على اساس يولدن عندك في هالفترات
و بالنسبة للتغذية يعتمد على نوع الغذاء مب الكمية
طبعا انا جربت و ابتعدت عن الشعير و استبدلته بالذرة المطحونه او المضغوطة
و الحمدلله من يوم اعتمدت على الذرة نسبة التوائم عندي زادت و لله الحمد
اما المشاكل اللي ذكروها الاخوان فهي تنتج من الشعير.. الذرة ما تسوي هالمشاكل حتى لو ادى الى السمنة
و ابتعد عن الجت الاخضر لانه يمشي البطن.. استبدله بالجت اليابس او ما يسمونه الجت السوداني
و وفر لهم الاملاح ..حط لهم المكعب الاحمر لان فيه بروتين و المكعب الازرق لان فيه نحاس.. وفر لهم الاثنين في نفس الوقت
هذا طبعاً اذا بغيت رايي و خلاصة تجربتي المتواضعه
و تقبل مروري..وشكراً
و عسى الله ان يوفق الجميع
طرح قيم وجميل الله يبارك فيك
وأنت من المربين اللي يقتدى به في التربية يطولي في عمرك
والله يبارك فيك
تحياتي لك
ولد الأحساء ( أبو حمد )