راي واللي يشاركني الراي يدلو بدلوه مثل مايقولون
ويتم تشجيع الاخوان اللي يتعبون ويشتغلون صح مثل اخونا السويدي وابومريم
اوافقك الراي اخوي بطرحك فالاصل ان العلف المدعوم لايباع مع ان كل شخص حر بماله وحتى لو يبيع من العلف المدعوم فاقترح ان يبيعه للاشخاص اللي يبذلون جهد في عمل خلطات للحلال بسعر طيب لتعم الفائده للجميع مع عدم البخس بسعر المباع
تم النقل لقسم اللقاءات والحوارات لمربي الحلال
|
المشاركة الأصلية كتبت بواسطة فقير الحظ
 اخوي لاتفكر ف نفسك
الن غيرك محتاج واصحاب البطايق يبوعن حق الباكستانين واذا زاد الحلال عندل شرط راح تسوي بتروح البلديه بصرفلك صح خلك انسان منطقي انا احد موزعين الجت اذا ما تباني اعرض ف المنتدي ابشر طال عمرك ويشرفني السموحة منك |
ياحبيبي انا اتكلم على اللي يبيعون حق الباكستانين على قولتك ياخي ياخذ اللي يسد حلاله لانه الدوله تدعمه موعشان نبيعه عشان نطعم حلالنا
كيف خلك انسان منطقي حبيبي وين المنطق انك تطلب شي من الدوله مدعوم عساس انك محتاج وتروح تبيعه هذا المنطق والله منطق غريب
وعنك انته محد قال لاتوزع وزع وخذ راحتك ازرع او ورد من الخارج وبيع بالسعر اللي يناسبك واعرض بالمنتدى شي مخصص للتجاره اما شي تعطيك الدوله مساعده او بربع سعره وتاخذه تبيعه على الباكستانيه على قولتك
وين المنطق
|
المشاركة الأصلية كتبت بواسطة الكابتن
السلام عليكم ورحمة الله وبركاتة اخوى انتة ممكن عندك بطاقة علف اما البعض ماعندة مجبور يشترى
|
اللي مجبور يشتري يشتري والله يعينه ويعوضه بحلاله
الاعلاف تباع بكل مكان بالدوله الرودس الجت الخلطات لها اسواق في كل الامارات
انا اتكلم عن العلف امدعوم من الدوله
بالعكس ياخوي الأعلاف المدعومة الزائدة عن الحاجة عند البائع
تكون من صالح الاخوة عشان يستفيدون منها وسعرها في البيع او المزاد
أفضل من شرائها من السوق لان اللي في السوق فيه شوائب كثيرة وايضا قديم صارله سنين .
وفي ناس تبيعه عشان تشتري مكانه أعلاف ثانية للحلال وفي ناس تبيع للوافدين الباكستانيين ويرجعون
يبطلون الروول مال الحشيش ويخلونها ٢ روول او ٣ ويبعونها من ٨٠ الى ٩٠ درهم اضربها في ٣ روول
طلع المبلغ أضعاف تقريبا اذا ب ٨٠ * ٣ = ٢٤٠ درهم
وهي في الاصل روول واحد .
دام انه الاخوان يستفودون من بينهم البين فانا عن نفسي
لا امانع في منع اي بيع للاعلاف المدعومه .
علما بان الأعلاف المدعومة في امارة أبوظبي فقط على ما اعتقد
فالأفضل انه الجميع يستفيد من البيع والشراء ، وايضا البائع يتحمل سعرها
ونقلها بسيارة أجرة الى عزبته يعني الأعلاف هذه مب مجانا واصله عنده . *
اذا بالنسبة للاعلاف المدعومة مثل السبوس والشعير واعلاف التسمين ،
فهذه اذا الشخص غير محتاجها الافضل انه يعطي مستحقاته لشخص يحتاجها بدون مقابل
يصرفها عادي كانه هو المالك .
وشكرا على الموضوع اخي العزيز
أنا ما عندي بطاقة الدعم والحمد لله علا كل حال
راعي الحلال دايم يدور وين يوفر المصاريف سوا من بيع علف او من اي مكان مشروع
الحمد لله دولتنا عطت الاولي وخلت التالي خالي
نحن ما نلوم الاشخاص اللي يبيعون الأعلاف لا اللوم كل اللوم علا اللي قاعدين ورأ المكاتب ألفخمه ويقولون الموضوع عند الشيوخ كعذر علا فشلهم وعلا عدم مقدرتهم في الاداره وين راحت الملايين اللي اندفعت حق الاحصا الحيواني وإعادة ترتيبات التوزيعات نسبه وتناسب مع كمية الحلال اللي يمتلكه كل شخص سوا عنده بطاقه او لا
سلمولي علا اللي سم حالي فراقه
*