مازلت أقطف ولله الحمد ثمار جهدي وبحثي المتواصل عن السلالات الطيبة في حلال الدار وأحيانا أجد ضالتي وفي أحيان أخرى يكرمنى المولى عز وجل بالانتاج الطيب من خلال الولادات التي تحصل عندي في العزبة وفي شهر شعبان أطل علي ذكر حو أرتأيت فيه مشروع الفحل الا أن أذنيه طويلتان الى حد ما ربما لانه صغيرالسن ولن أحكم عليه بسرعه ولكنه حجما أكبر عن أقرانه ومواصافاته أراها جميلة وموفقة فشو رايكم أفحله والا أبيعه أو أذبحه مستقبلا " ملاحظة جت معاه توأم أنثى " تشبهه تماما
حبيت اسأل الصخله للبيع ولا …..
والسمووووحة ……
الله يبارك لج ياغبيشه بهالزين
بس يا غبيشه : الصخل هذا من يكبر بيكون واضح للعياان إنه ناتج تهجين هندي أو باكستاني
بسبب الإذنين الطويلة , وعكفة الويه
والصخل طيب ويصلح فحل , لكن لو هديتيه بحلال الدار بيعطي لون الحوو , لكن بيخرب الإنتاج
أتمنى إني فدتج ( والله يبارك لج بماتملكين )
تقبلي مروري م.هاوي
الصخل طيب وشكله حلو وممكن يكون فحل طيب
بس سوالي انتي عندج هوش خلط ولا تهتمين بالسلالات ؟
لو هوششتج خلط خليه عس يكون فتح خير عليتج .
وذا هوشش عربيه بيور خليه لين ما يشد عوده وممكن تبيعينه وحد يستفيد منه
وسمحيلي
|
المشاركة الأصلية كتبت بواسطة م.هاوي
 ماشاءالله تبارك الرحمن
الله يبارك لج ياغبيشه بهالزين بس يا غبيشه : الصخل هذا من يكبر بيكون واضح للعياان إنه ناتج تهجين هندي أو باكستاني بسبب الإذنين الطويلة , وعكفة الويه والصخل طيب ويصلح فحل , لكن لو هديتيه بحلال الدار بيعطي لون الحوو , لكن بيخرب الإنتاج أتمنى إني فدتج ( والله يبارك لج بماتملكين ) تقبلي مروري م.هاوي |
انا اتفق مع اخويه م .هاوي 100%
دمتم بخير
الله يِبَارِكْ لِجْ فِيمَا تَمْلُكَين ويَزيدجْ مِنْ فَضلّه العَظِيمُ،،،
تَقَبّلي أَطيّبُ المُنَى،،،
وهذا اكيد انج ماخذتنه وامه كانت عشار
انصحج بالسجين اما انه كفحل مايصلح ابد لانه فيه تهجين