السلام عليكم
اخواني من فترة وانا ادور دياي للتربية
من الاحجام الكبيرة لأنتاج اللحم
بعضهم قالوا لي الفرنسي
والبعض الاخر الهولندي
او التهجين
فاتمنى من اللي عنده خبره يفيدنا من ناحية الحجم واللحم والنوع والتهجين
وكم عمر الذبح لكل نوع
شاكر لكم تعاونكم
بالتوفيق إن شاء الله دائماً
مشكور اخوي
ونتريا باقي الاخوان
وعليكم السلام ورحمة الله وبركاته
هلا بااخويه هاوي
يااخويه اي نووع من النواااع الي ذكرتها تنفع لللاكل
ومن خلال تجربتي شووف العادي ما في احسن منه
المهم الانتاج يكووون عندك ممتاز وراح تعاف دياي من كثر ما تاكل
وسمووحه ع الاطاله
مشكور الشيخ على مشاركتك
ويزاك الله خير
بس انا اقصد الدياي اللي يسوي لحم ويكون كبير مش المحلي
مثل ما قالوا الاخوان وعن راي خاص احب اكل الدجاج المحلي اكثر من الفرنسي او الهولندي لان سعره ارخص والطعم نفس الشي ما في فرق اما اذا كانت هذه التربية للهواية وحب تربية السلالات نفسها هذا موضوع ثاني .
مشكور آخوي على المشاركة
وبنشوف باقي الأخوان
انا حاليا مربي الفرنسي
الاحجام للذبح ما عليها كلام . في عمر 4 الى 5 الشهور الاوزان بين 1.5 الى 2 كيلو
طبعا اذا تفضل الاحجام و الاعمار الاصغر ممكن تذبح في عمر 3 شهور
و انتاجيه الفرنسي في البيض افضل من المحلي بكثير
توني بادي في الهولندي و هو اثقل من الفرنسي و ممكن تذبح منه في عمر شهر و نص و زنه قريب الكيلو و نص
لكن ما اعرف اذا امهات الهولندي تتحمل الصيف و لا لا
الاحجام للذبح ما عليها كلام . في عمر 4 الى 5 الشهور الاوزان بين 1.5 الى 2 كيلو
طبعا اذا تفضل الاحجام و الاعمار الاصغر ممكن تذبح في عمر 3 شهور
و انتاجيه الفرنسي في البيض افضل من المحلي بكثير
توني بادي في الهولندي و هو اثقل من الفرنسي و ممكن تذبح منه في عمر شهر و نص و زنه قريب الكيلو و نص
لكن ما اعرف اذا امهات الهولندي تتحمل الصيف و لا لا
مشكور اخوي على المعلومات الطيبة
يزاك الله خير
اشوف انه المحلي زين، ما لنا بد منه واذا حب تنوع فهذا بعد زين بس لابد من العزل كل نوع بروحه عشان تشوف الانتاج