امس كنت اتكلم مع واحد من المربين عن الانواع و مستويات الحلال … و طرق تطوير الحلال و احط تحتها خطين و كيف تطور مستوى حلالك …
شفت هالفيديو من فترة و هو عن مزرعة ابقار طورت فيها مستوى اللحم او كتلة العضلات في جسم الحيوان عبر التحكم في التلقيح او اختيار و التحكم في جينات اللي يحطونها في انتاجهم باختيار الحيوانات ذات مواصفات محددة و الاجمل انها من سلالة معينة و شوفو وين وصلوا …!!
فعدة اسألة طرت في بالي … كيف الواحد يبدا يطور في الحلال و خاصة الاغنام و شو الاشياء اللي يتركز عليها مفهوم التطوير بشكل عام ؟ و هل الشكل و المواصفات خارجية هي المطلب الوحيد للمربين في الدولة ؟
و مثل ما نشوف الناس كلهم طوروا في حلالهم المحلي الا نحن كمربين اماراتيين … مثلا لو طالعنا حلال الدار مستواه في كمية اللحم و الحليب الصراحة .. معدوومة … يعني احس مرات انه ما شيء تطوير بشكل جدي و مدروس من قبل ناس متخصصين .. و اذا كانت هناك محاولات فهي شخصية و اعتبرها تهجين اكثر منه تطوير لانه بتدخل سلالات ثانية في السلالة اللي تبا تطورها .
و من الممكن اني انا كمبتدئ ما يكون عندي خبر عن ناس طوروا فالحلال … فاعذروني
و ها اللي كان بخاطري و ارجو التفاعل …
http://www.youtube.com/watch?v=Nmkj5…feature=fvwrel
أخوكم سعود
الله يحييكم ….
الناس مشغوله بأمتلاك افضل الحلال …. اذ أن التطوير يحتاج الى دراسه وتعب وصبر واختيار النوعيات الجيده …
وكما نعلم أن اغلب الحلال المحلي مايلحق يكبر حتى يباع ذبائح ….. فالناس ادخلوا الباكستاني والشامي والعارضي
والسعيدي والرحبي والجامودي ع الحلال المحلي …. لتعديل السلاله من الحليب واللحم ….
طبعا" اغلب الناس ترى أن الاهم شيء المكسب المادي اذ أن التكاليف الباهضه تجبر المربي ع اختيار سلالات غاليه
حتى توفي معاه ….
ومن الاخر التطوير له ناسه …. ولانرى كثير من المطورين لآنه الاغلبيه من الشباب في بدايه مرحلة التفكير في
التطوير … لآننا نسمع كثيرا" فلان يمتلك وعنده حلال ….
طرحت موضوع بعنوان هل انته مطور للحلال أو راعي للحلال … الاسئله كثيره وقد لاتجد اجابات شافيه ..فتسلم بها
بارك الله فيكم وفي وقتكم … وتسلم ع الطرح الجميل …. تقبل مروري
هذي اكبر مشكلة .. فما يركزون على النوع و الكيف و لكن الكمية و الربح و طبعا انا من الناس اللي توني فالهواية و ما افكر فالربح المادي بشكل جدي …
و ليش نحن ما نطور السلالات المحلية و نخليها غالية مثل غيرنا ؟؟
و تسلم اخوي على تجاوبك …
تفقبل مروري اخوك / احمد
اشكرك على طرح هذا الموضوع
واضح انك تتكلم عن تطوير الحلال من الناحيه الانتاجيه و ليس الصفات الشكليه و المزاين
على رغم من قله انتاجية حلال الدار لكنه يتميز بصفه مهمه جدا و هي انه متاقلم مع البيئه المحليه سواء من ناحيه الجو او الامراض المستوطنه او المراعي الفقيره.
تهجين حلال الدار بالسلالات الثانيه ممكن انه يعطينا نتائج ممتازه على المدى القصير لكن على المدى البعيد ممكن انه السلالات المحليه تنقرض.
اكيد انكم تتسألون " و اذا انقرضت ؟"
ما نعرف الظروف و شو اللي بيصير في المستقبل ممكن تظهر امراض ما يقاومها الا حلال الدار مثلا
و هذا مش كلامي انا
الكثير من السلالات على مستوى العالم تم تهميشها لانه انتاجيتها ضعيفه و هالكلام مش عن الحيوانات فقط بل حتى عن النباتات.
بعد ما توسعوا في زراعه سلاله معينه من القمح- لانه انتاجيتها عاليه- اكتشفوا بعد سنوات انه ما عندها مقاومه لبعض الامراض اللي قضت على محاصيل تقدر بالملايين.
حاليا هناك توجه عالمي للحفاظ على سلالات كثيره تم تهميشها لانه يمكن في المستقبل نضطر نرجع نربيها .
تخيلوا انه تم انشاء بنوك للبذور للحفاظ على السلالات اللي لا يتم حاليا زراعتها حتى يتم زراعتها و اكثاره عند الحاجه.
تطوير حلال الدار و الوصول به الى مستويات مميزه ليس مستحيل
بل ممكن و لكن الموضوع يحتاج الى جهد و امكانيات لا تتوفر لكثير من المربين
المفروض انه جامعه الامارات او هيئه البيئه تتبنى مشروع مثل هذا
كيف البدايه ؟
1- دراسة السلالات المحليه و موصفاتها و عمل خارطه جينيه
2- تربيه قطعان نموذجيه و انتخاب افضل الفحول و الاناث
3- استخدام التقنيات الحديثه مثل التلقيح الصناعي و نقل البويضات لاكثار الفحول و الاناث المنتخبه
4- فتح المجال لبيع بعض الفحول الزائده عن حاجه المشروع للمربين
للحديث شجون اعذروني على الاطاله
اول شيء الانتخاب في الفحول والامهات من نفس السلاله يعني اطلع افضل شي من الحلال اللي يتميز بكبر الحجم او اللي يتميز بالمواصفات اللي انته تباها في حلالك واتخليه يتكاثر
ثاني شي اذا بتهجن بيض السلالت لغرض التطوير لازم اتحافظ على القطيع الاصلي اللي هجنت به
والتهجين عادة يكون بين سلالتين اصيلتين يعني جامودي بعارضي او نجدي بنعيمي
مب تيب شي مهجن من قبل واتقول بهجن او شي فيه مليون تهجين وتقول بهجن لان هاذا اللي فيه تلوث جيني وليس تهجين بطريقه علميه
