اشتريت مجموعه طيبه من الإبل الأصايل لكني ماأعرف نسب أكثرهن ولا أعرف أعمارهن
والله يسامحه اللي باعني إياهن ماطاع يخبرني عن أي معلومات عنهن لا أعمارهن ولا تعريفهن إلا البعير (مقصص)
فياليت لو حد من أهل الخبره يفيدني كيف أقدر أعرف عنهن وعن أعمارهن
تكفون ياخوان شما
والبيع والشراء بالتعارف ةمعرفت النسب ومن ثم الشراء في حالة الرغبه
|
المشاركة الأصلية كتبت بواسطة راعي الوافيه
 او شي حوار وهو لي توه يايي لين يكمل سنه مفرود وسنتين حق وثلاث لقي واربع جذع وخمس ثني وست رباع وسبع سدس وثمان فطر اول وتسع فطر ثاني وانته رايح لين 45 سنه وفوق ولله اليعطينه طولت العمر ويتربن في عزك منك المال وطعام ومنهن الحليب والحم
|
معلومات طيبه من أخ طيب
لكن هذولي أنا شريتهن وماعرف أعمارهن كيف تعرف عمر المطيه
فيه دلائل معينه في الشكل أو الفم تقدر تعرف بها عمرها ؟؟
جعلك ذخر
|
المشاركة الأصلية كتبت بواسطة uae
يا أخي كيف تشتري شيء من غير ما تعرف نسب الحلال ..
والبيع والشراء بالتعارف ةمعرفت النسب ومن ثم الشراء في حالة الرغبه |
ياخويه هدي أعصابك أنا إنسان مبتدئ بس جتني فرصه في حلال طيب وأنا متأكد من أنهن أصايل ومعروفات
لأنهن ظاهرات من شبوك ريال الكل يحبه ويعرفه (الله يرحمه) بس الراعي ماطاع يخبرني عن أصولهن
بأمر الدكتور المشرف عن الشبوك وقال لي تباهن شيلهن على ماهن عليه ولا خلهن
وأنا ماقدرت أخليهن لأني كنت توني بادي وأبى أبدأ بالشيء الأصيل
((باختصار أبى الحلال الطيب))
ولو ماعرفت اسم امه وابوه
أنا بس قلت لو فيه فرصه حد يقدر يعرفهن ويعرف أعمارهن خصوصاً من الشيبان اللي يعرفون البوش من النظره
يفيدني يزاه الله خير
|
المشاركة الأصلية كتبت بواسطة العين دربي
الغالي تثني مطيه تلقى تحت ضرسها احمرار ومن ضروسهن طيح تبدل بضرس ثاني وتبدل يسنه ومن خبرتنا نعرفهن
|
يزاك الله خير
بس بحتاج لأكثر من كذيه
بحتاج لخبرتكم في تحديد أعمار البوش عندي
لأني ماعندي الخبره اللي تخولني لهذا الشي
فياليت لو فيه وسيلة اتصال ؟؟ أو لكم زياره لعندي في المزرعه منها انتعرف على الشباب الطيبه
ونكتسب خبر
وتشوف البوش عندي يمكن تقدر تعرف شي عنهن
أخوك/ سيف المنصوري
0508111910
ثاني شي اذ فيهن بكار المفروده تشوف شعرتها شعرت لبن من الحقه لين لقيه نفس اشي ما تميزها غير لو كنت راعيها الجذعه نفس لقيه بس ضروس البن كلهن وتحصل كبر اضروس والفرقه بين الضروس من تكون عمرها خمس سنين ثنيه يعني ما فيها غير الثناي طالعه بس ظرسين بس في ثمها وارباعيه اربع ظروس والسدس ست ظروس والفطر اول تطلع انياب من تحت ويوم الناب يكون مسود من تحت وفوق تكون نص ناقه والذيل يوم يكون مبيض يعني اتشوف اشعر البيض اكثر من السود تكون فاطر اناقه بس تلقح وتلد لين ما تترس اشبك والفاطر لي ما تقوم ولا تخب وتحصلها يوم تثور تنط ولا يوم تقوم تقعد ساعه لين ما تسير ذي منتهيه صلاحيتها
وانشالله لنا لقا وياك ولله يرزقك النتاج اطيب على عدد وبرهن ولبنهن لو شي صور تعرضهن زين ولله واذ للبيع ازين ولله يوفقك انشالله
|
المشاركة الأصلية كتبت بواسطة راعي الوافيه
هلا وغلا بو هناد اول شي الا ابل لي عندك كلهن كبار ولا فيهن بكار
ثاني شي اذ فيهن بكار المفروده تشوف شعرتها شعرت لبن من الحقه لين لقيه نفس اشي ما تميزها غير لو كنت راعيها الجذعه نفس لقيه بس ضروس البن كلهن وتحصل كبر اضروس والفرقه بين الضروس من تكون عمرها خمس سنين ثنيه يعني ما فيها غير الثناي طالعه بس ظرسين بس في ثمها وارباعيه اربع ظروس والسدس ست ظروس والفطر اول تطلع انياب من تحت ويوم الناب يكون مسود من تحت وفوق تكون نص ناقه والذيل يوم يكون مبيض يعني اتشوف اشعر البيض اكثر من السود تكون فاطر اناقه بس تلقح وتلد لين ما تترس اشبك والفاطر لي ما تقوم ولا تخب وتحصلها يوم تثور تنط ولا يوم تقوم تقعد ساعه لين ما تسير ذي منتهيه صلاحيتها وانشالله لنا لقا وياك ولله يرزقك النتاج اطيب على عدد وبرهن ولبنهن لو شي صور تعرضهن زين ولله واذ للبيع ازين ولله يوفقك انشالله |
ماقصرت على المعلومات يعلني ما أخلى منك
هاذي صورة البعير (مقصص)
وهذي ( سميتها صفيرا )
والباقي إنشاء الله بحط صورهن قريب
جعلك ذخر