كوكاتو الجالا الرمادي والوردي ارجو النصيحه • 2024.

اخذت لي كوكاتوه الجالا ،،والصراحه طير ماشاء الله عليه يجي على اليد وياكل ن يدي وهو الي يقرب لي علشان امسح عليه وماعليه كلام

بس الطامه الكبرى لما اطلعه من القفص اعاني من شيئين :

1- لما يكون في القفص يصارخ بشكل مزعج لدرجة انه بيفجر راسي هالشي يسويه يمكن 3 مرات في اليوم يصارخ له ربع ساعه بس اول ما اقرب له وهو يصارخ يسكت ويعطيني راسه .

2- المشكله الثانيه لما اطلعه من القفص مايقعد دايما يروح لأي شي قدامه ويقعد يعضض في ومايوقف على الستاند ولو حطيته في مكان مرتفع على القفص ينط فتنشغل فيه طول الوقت وهو برع القفص بس الحمد لله مايعض.

فكيف اتجنب موضوع الصراخ ؟؟ وهل لما ينام اخلي له اضائه خفيفه ولا اخلي الغرفه معتمه ؟؟ وشلون اعلمه على الستاند ؟؟

واسمحولي على الاطاله واني ثقلت عليكم والله يعطيكم العافيه على جهودكم الواضحه في هذا المنتدى.