مبارك عليكم ما تبقى من الشهر
الفقاسات وطريقة التعامل معاها ما شاء الله هالوقت مافي حد ما تعامل مع الفقاسات
المهم يجب عليك اقتناء اجود انواع الفقاسات من كل النواحي
مثل الجودة فالتصنيع
الاجهزة فالفقاسة
مثل قياس درجة الحراره والرطوبة وتوقيت التقليب
هذي من اجود انواع الفقاسات اللي انا استخدمهن وما راح اتخلى عنهن لان بصراحه
ما شاء الله ما لقيت احسن عنها لين الحين (في منها صيني لكن ماتنفع لذا تحذروا )
لها مميزات كثيره
مدة حضانة البيض 18 يوم
وخلال يومين بالكثير الصيصان تتطلع
جهاز انذار عند زيادة او نقصان الحرارة او الرطوبة
التحكم في ميلات الرفوف
مراوح لطرد الحرارة او الرطوبة الزايده
واهم شي يكون المكان مكيف والدرجة ما تزيد عن 30 درجة
من اهم الخطوات اللتي يجب اتباعها
تنظيف وتعقيم المكينة بعد كل دورة
ومالك الا هالوحش
تفاجئت ان في ناس تقعم بديتول الديتول معقم لكن ما ينفع للفقاسات لان فالفقاسات
وايد انواع من البكتيريا والفيروسات اتم فالمكينه وتاثر تاثير كبير على البيض
في معقم ينباع في كل العيادات البيطرية اسمه TH4 عجيب
معقم جوي لكن ما يخلي شي وانصح باستخدامه
وصلنا للمهم
دام انك معقم المكينة وامورك طيبة
ما يحتياي تعسل البيض واتعب عمرك لانك معقم باحسن معقم
والله وصلت اني احط البيض برشق الطيور عزكم الله ويطلع ما شاء الله
وعند موعد التفقيس الكثير يسال هل بعد ما يفقس الصوص يتم فالمكينة 24 ساعة
الجواب:
اذا مضبط مكان دافي ومافيه هوى طلعه وماعليك وربك بيطرح فيه البركة
لكن اذا مش مضبط مكان لا
خله فالمكينة لين ما ينشف وعقب طلعه وتراه ما ياخذ24 ساعه اعتقد ساعه او ساعتين
انا اطلعهن جذي من المكينة واعقهن في حضانة الصيصان
بخصوص الفيتامينات والاملاح في كيس ينباع عند الدكتور عبدالله ( الصقر ) رقم 1 ماعليه كلام
3 ايام فقط بعد سابع يوم والامور طيبة
بخصوص التطعيمات انا ما اطعم ابد ولا بطعم انا استخدم مضادات طبيعية
مثل الحبة السودة
البصل
الثوم
فول الصويا
كل التوفيق للجميع والسموحه على الاطالة
ويا راعي جبار
ومن تميز الى تميز باذن الله
بس بعد لو تخبرنا عن كيفية استخدام الحبه السودا والبصل والثوم
وشكرا
وحتى هالموضوع جيد جدا لمن يحب يبدأ في امور الفقاسات
يعطيك العافيه
تحياتي:
السميطي
الصياد
السميطي
خلف سيف
والله نورتوني بطلتكم الجميلة
واي معلومة عندي لابد من المشارة ونخلي اخوانا يستفيدون
الف شكر لكم
بخصوص استخدام الحبة السودة والبصل والثوم
عندك طريقتين حلوات وسهلات
اما انك تعطيهم فرش او مجفف يعني تخلي العامل يقشر البصل والثوم
ووزعهم على 3 ايام فالاسبوع
يوم بصل
يوم ثوم
يوم حبة السوده
^_^ انا مبتدي …وعقب اسبوع بيكون اول انتاج لي
معلوماتك وايد وايد فادتني
يزاك الله الف خير