اللي عنده خبره نباه ما يبخل علينا بالتقييم ان كان القعود ينفع للريس
والله يجزيكم خير ان شاء الله
القعود طايح 6/10/2010
القعود امه اصيل لكن الاب غير متاكد منه لاني نوختها لاكثر من بعير لين ما لقحت.
1- حلالك فيه جرب. ويبالك تضربهن أبرة جرب.
2- ما في شيء أسمه أصيل دامك تجهل الأب. وتجهل الأم.
3- يوم تنوخ الناقه تصبر لها 12 – 15 يوم علشان تتأكد بأنها لقحة أو لا. وليس تنويخ الناقه لكم بعير.
4- المربي إلي يبغي حلال طيب وأصيل يبحث عن الأصل من ناحية الأب والأم.
5- النوقات إلي يكونن عندك لا بد أن تعرف مصدرهن من وين.
6- بالنسبه للقعود ما ينفع للركض لأنك تجهل أبوه . وأفضل شيء تسويه تضربه أبرة جرب وتشوفه عقب فتره ولو ما خاز عنه رد أضربه مره ثانيه وأغسله بالسم. وعقب فتره بيعه حق عقر.
لكن عندي سؤال في هذي النقطة هل الترشيح يكون فقط على التعريف فقط او على التعريف ومواصفات شكليه مثلا لا الحصر طول الغارب .
وبخصوص التنويخ كلامك صحيح وانا الان في انتظار فترة التنويخ واللي تبدا بعد فترة قريبة وان شاء الله جاهزين للتنويخ لزمول معروفه .
وبخصوص الجرب عندي قعودين وبكرة فيهم الجرب وهم بنفس السن وانا الاحظ كل ما توصل الحشاويين لها العمر يبدا فيهن الجرب لمده بسيطه ويخوز مع الابرة والسم.
ووين يا اهل الخبرة ننتظر ردودكم
وثاني شيء تقاسيم الحاشي.
وهوه موب شرط بس يزيد للحاشي جمال …
اخي العزيز القعود اذا ماتثبت من اب وام ماينقال عليه اصيل
لان الاصيل اكون معروف من اب وام والقعود يباله علاج عن اليرب والقرع
تقبل مروري وشكرا
الله يِبَارِكْ لِكْ فِيمَا تَمْلُكَ ويَزيدكَ مِنْ فَضلّه العَظِيمُ،،،
تَقَبّل أَطيّبُ المُنَى،،،